Paal Laini’ Len Laini ~ Hau Thang

Simlei miza… Tuunsung panpiang..
Kil bang khangkhia… Heisa bangpaal
Paallai nunnuam …Nuih ciam lelleng..
Lenkum kivei….Khua hunkikhel,

Tuun le Zua tawh.. Laizom tengtawh
Khawlkhop nunnuam… Paallaini aw,
Sinlai hongphawng.

Tulsing paallun… Ava namcin ..
Zotuita’n bawm …Paal Ningtui khum
Seino paaksil …Tawi kaciim lo,
Nun in nuam e.. Len Laini.

Tung Sunni zong …Lenmual khum ding..
Anua ciang ah …Muikhua ziingding
Paal laini leh ….Len lainite
Nung sulzui thei …Samkik theilo..
Kumkhua kivei… Duangsuah tulkuan tading aw.

Ngaihno tongdam.. Benghem ahluai
Maimit laukhan…Mel in muing..
Paal laini aw…. Len laini aw,
Ih lellel ding.

Zing nithak suah… Lenmual hongta’n..
Loono hingsilsial… Sinlai Naangbang
Nadiah duai aw..

Tongsia zatam … Gialbang khingdaai
Zuunloh Zogam… Tulpaan kaaiding
Sian in awilo… Paal laini aw,
Thal bang zangsak dih ve ni e.

Zatam laiah … Hou neem siansiam
Khawlkhawm laileng… Paal laini’ Len laini..
Tumbang guai leng …Lel ih ciimlo..
Theibang seenleh… Kik theilo ding..
Paal Laini… Len laini,
Aam ve ni e.

Hau Thang