Myanmar, Magway ah mawtaw pei 12 neikhat kibung in numeikhat si

Myanmar, Magway ah mawtaw pei 12 neikhat kibung in numeikhat si

Myanmar, Magway Region sung aom Magway khuapipan 14 Mile agamlakna Daungnaychaung lei panin mawtaw khat kia in, numeikhat in sihlawh cih 7Day Daily pan kiza hi. Tua mawtaw pen pei 12 tak apha Trailer mawtaw golpite hi a, mawtaw sungah singhonkhat apuak ahihi.

Lei tungah atawnding in alutpheisawm hi a, lei bulpan in piakhiakha in luisung ah akiasuk cihi.

Tuni Tuesday (December 05) zingsanglam 5am hunpawl in thupiang hi a, tua mawtawpi pen Yenanchaung khualampan in Magway khualam zuanin apai laitak cihi.

Myanmar Police te genkhiatna ah tua 12-Wheel Trailer pen hatsaklua ahih manin lei alutphei madeuh in Control theinawnlo in, Communication Tower khat phukha cihi. Lamzikpi panin luisung ah Pi 30 bang kiasuk in, mawtaw amaibuk sungah atu numeikhat kilawnkhia in asi cihi. Mawtaw ahawl Driver leh adangte pen taimangcip uhhi ci’n palik te’n genkhia uhhi.

Hih tuahsiatna vai Magway khuasung aom Social nasemte aki zaksak ciangin cinapuakna Ambulance mawtaw khatleh mipi puakna mawtaw khattawh delhpah uhhi. Asi numeinu ii aluanghawm pen Yenanchaung Myone sung aom kumpi zato General Hospital ah kipuaksuak hi ci’n Social thunei te’n genkhia hi.

More: Kawlgam, Magway ah Karaoke saikhat meikang in mi 15 si ~ ZD

Mawtawpi sungah pi 8 apha Padauk singtawn bekbek akigawm in tawn 30 valbang kimu a, tuaban ah mawtaw ii sathau suahkhiatna laibu zong kimu hi. Tua laibu tungtawn in aki etciang in hih mawtaw pen Mandalay khuasung aom te neihsa hiding kici hi.

Tua Padauk singtawn tepen phalna tawh akipua hiam cihpen kitheician nailo a, mawtaw hawlpa Driver pazong mattheih nadingin aki vaihawmlaitak cih kiza hi. Sawltak #zomidaily