Tup Tintenna ~ Hau Za Cin

Tup Tintenna ~ Hau Za Cin

1968 kuma Mexico City Olympics ah tai kidem dingin Tanzania gam pan John Stephen Akhwari kitel hi.

Tai kidemna ah mi khempeuh tai a, amah zong a tai hi. A sawtlo in Akhwari kipuk in a khuk tat liam gawp a, a khe zong a hek hi. Nitak nai 7 PM ciang Ethiopia gam pan mi khat in a khatna ngah in, a dang khempeuh zong a tai kidemna sung pan a pusuakta uh hi. A ente zong ciah khin phialta uh a, mi tawmcik bek omta hi. Tua laitak in police te in phitmut a, mi tawmcik omlaite in a en uh hi.

Police te mai ah mi khat khebai lenghlengh kawmsa in hong tai a, nambat 36na, Akhwari ahi hi. A khe liamma leh a khuk liamma ah puansia tawh kitun a, sisan bang neunau in tai kidemna tawpna khau kikhung kantanin hong taisuak hi. Mipi tawmcikte in khutbeng in na pahtawi ziahziah uh a, lamdang zong sa ciat uh hi.

Thuthak saite khat in, “Banghangin na khuk a liam khit, na khe a hek khit ciang khawllo na hiam? Banghangin tai kidemna zom lai veve na hiam?” a cih ciangin Akhwari in, “Ka gam in tai tul sagih (7000 miles) a gamla pan hih mun ah tai kidemna a kihel ding bek in hong sawllo a, a tawpdong tai dingin hong sawl hi,” ci hi.

“Let us run with perseverance the race marked out for us” (Heb. 12:1). – by Tommy Winstead, Stafford, Virginia

Hau Za Cin
Phuitong Liim