Nupi khatin zudawn in avakkhia apasal tawh Video Call aki hokhit ciangin ki gui awk

Nupi khatin zudawn in avakkhia apasal tawh Video Call aki hokhit ciangin ki gui awk

Thailand gamsung Pattaya khuasungah numei khatin apasal Video Call tawh phone samin, aki hokhit uhciang in amahleh amah ki gui awk, khautawh ki khailum cih The Nation pan kiza hi.

Tua aki ui awk numeinu pen Laos gammi hi a, apasal pen Thai gammi ahihi. Monday zingsanglam in thupiang hi a, apasal pen khuasung ah avakkhia, zudawn in aomlaitak in Video Call asapkhit ciangin aki ui awk cimawk hi.

South Patttaya City ah zingsanglam 4:30am hunpawl in hihbang buaina om cih Police te aki zasak ciangin aphual ah delhpah uhhi. Apasal pen kum 30 aphakhin khat hi a, aminpen Watana Chinwong kici hi. Azi pen kum 36 aphakhin khat ahihi.

Police te genna ah aphual katun uhciangin apasal zong inn natungkhin a, azi luanghawm pen kawikawmsa in innsung ah aom kamu uh ci’n genkhia hi.

Apasal in Police te tungah agenkhiatna ah Sunday zingsanglam in alawmte tawh zudawnkhawm dingin ka vakkhia cihi. Monday zingsangdong ciahkiklo in zudawn in alawmte tawh vakthapcip ahih manin, azi in Video Call tawh phone hopih a, kaki gui awkding hi ci’n honggen cihi.

Tuaciangin amahzong amanlang in ciahvingveng a, ahi zongin azi pen innsung ah kongkhak ki kalhkhumcip hi. Azi asapsap hangin dawngvetlo ahih manin, avengte huhna tawh kongkhak hongkhia uhhi. Innsung alutphet in azi pen amahleh amah naki gui awk takpi a, themthembek naklai cihi.

More: Sangnaupang kum 8 khat sanginn ah simmawh bawlsiat athuakzawh ninih khitciang in ki gui awk

Amanlang in sukkhia in, leilak sualtung ah lumsak a, huhna ngenpah hi. Ahi zongin Rescuers te atun ciangin azipen sikhinta hi. Police te’n inndeisung ah Whisky zuthawl akidawnbaang khatleh Power Cable khatzong mukhia uh cih kiza hi. Sawltak #zomidaily