Abraham Lincoln leh Edwin M. Stanton thu kineih

Abraham Lincoln leh Edwin M. Stanton thu kineih

Abraham Lincoln kumpi asepsung

Edwin M. Stanton pen America President Abraham Lincoln tawh kilem lo-in, zumah thu kineih uh hi. Stanton in Lincoln pen ahihtheih zahin heek’ sawm hi. Mite in a muhna vuah pen kumpipa Lincoln hehleh Stanton’ aadingin lauhuai lua hi, ci-in a ngaihsun uh hi.

Ahizongin Abraham Lincoln in mite’ ngaihsut loh lamin na a sem hi. Galkap lam tawh kisai a uk, a lutangpi Minister in a koihna lai mikhat Stanton a pia sak hi.

Hih thu Stanton in lamdang salua-in, khitui kia gelhgelhin tua lai a sim hi. Thakhat thu in ngaihsun pah a, tua lai a pia pa mah kam vaikhak pah in, “Kumpipa’ kiangah hih bangin na gen’sak in!

Ama’ tunga ka bawlnate ngaihsun kha-het lo-in, a lungsim picinna leh ka lamet zawhloh hehpihna, zahtakna leh muanngamna hong neih veve nate in ama’ aadingin nasiatakin na hong sem sak ding hita hi” ci-in a vaikha kik pah hi. Tdkhen

Abraham Lincoln M.P. aseplai

A khawk vaanin a zinna lamah gammite in a pai nading munmun lampi a puah uh hi.

Munkhat-ah lam a na kipuah san laitak tuak uh a, singluang lianpi khat in lampi na khak ahihmanin nasemte in thazawh phalo uh hi. Nasem ukpa zong kiko lala in, ciang khat viksuk vikto a, nasem mite a tai’ lala hi.

Lincoln in a gei a tun ciangin a sakol tung panin kumkhia in nasem mite singluang a zawnpih hi. Aman uh ciangin, “Nidang ciangin hibang nasep haksa a om hunah hong zasak un” ci-in a vaikha lai hi. Nasemte ukpa zong pau zong pau lo-in a kun dide hi.