o Sen gam Yiangsu Province Yancheng khuapi sung June 23,2016 ni in Tornado huihpi leh guahpi in sunzial gawp a, Nasepna Innpi te huih in leen in mawtaw te kilumlet gawp ahihman in tuciangciang misi 51 kimu in adangtampi liam a inn le lo tampi tak kisia cip hi.CNN
o Germany gam nitumna lam Frankfurt khuapi pan kigamla lualo mun aom Viernheim khua sung a om Cinema kilahna phualpi June 23,2016 ni in Migilo thautawi khat in bankaap a Palik ten nadelhpah man ahihman in amah sipah in midang 25 liam uhhi. Hihmun peen nikhat in mi 20,000 bang akuut namun hi a IS ten suamna hiding in lam en uhhi.CNN
o Kawlgam State Counselor Daw Aung San Suu Kyi cidam in June 23,2016 ni Thailand gam vatung a, Bangkok Vanleeng tual bang ah Kawlgammi tamlua mahmah ahihman in Thai thunei ten Pi Nu taaipih liang uhhi. June 24,2016 ni Thailand thunei tetawh kimuding a, adiak in gamgi thukhun cihte pawlkhat thukimna suaikaai ding uhhi. Kongzinglak mipi lak ah thu kigensaklo in Innsung mitam atatlohna ah kigensak bek ahihman in Kawlgammi mipi tampitak in mukhalo hi. Ahizong in Daw Aung San Suu Kyi in kami te hamsatna kathei lua ci in nagensak un ci in Thai thunei te misi vaaikhak in vaaikhak sawn hi. VOA
o Athulamdang mahmah in United Kingdom (UK ) gamte in EU Gampawl pan kiheikhia tading maw kigawmlaai ding cih khat zawzaw teelkhia ding in June 23,2016 ni in Mee khiatna bawl ziahziah uhhi. Hih Vote khiading bekbek in thongkia te zong pai deudeu se uhhi.CNN
o Leitung khang kilum let ta in Nitumna gamlam sang in Asia gamlam ah Millionaires tamzawta ci in Sum le Paai leh cidamna lam a encik Capgemini te in June 23,2016 ni in taangkokhia uhhi. Sen gam bekbek ah 2015 sung in millionares 144,000 kibehlap ci uhhi. Japan leh Sen gam te hang in hizah a Asia gam akahto cizen uhhi.
Lungdam
Khawm Pau
Comment piaknop aomleh...