Malaysia kumpi Agong, Prime Minister te athahsawm IS migilo mi 7 kiman

Malaysia kumpi Agong, Prime Minister te athahsawm IS migilo mi 7 kiman

Malaysia gamsung ah kumpipi Yang di-Pertuan Agong Sultan Muhammad V, Prime Minister leh adang Minister khat athahsawm IS migilo tetawh akizom mi 7 kimankhia cih Bernama pan kiza hi. Tuabangin Malaysia gamsung ah gitloh gamtatna abawlsawm akiman mi 7 te lakah numei khatzong kihel hi.

Tua migilo tepen abeisa July 12 panin July 18 sungin Special Branch Counter-Terrorism Division te’n amatkhiat uh ahihi. Munkhatbek panin akimankhia hilo a, Johor, Perak, Terengganu, Selangor cihbangin State tuamtuam panin akimankhia ahihi.

Thukan makaipi ahi Inspector-General of Police Tan Sri Mohamad Fuzi Harun in agenkhiatna ah tua gitloh gamtatna abawlsawm te lakah nasep aneilo “Jobless” pasal khatpen nung Tuesday ni in Skudai vengsung ah aki mankhia cihi.

Tuapa pen kum 34 aphakhin khat hi a, abeisa in kumpipa Agong, Prime Minister Tun Dr Mahathir Mohamad leh Prime Minister’s Department ah Minister asemlaitak Datuk Dr Mujahid Yusof Rawa cihte thahlupding Social Media tungtawn in agenkhia ngeipa ahihi.

More: Pakistan vanlengtual ah Malaysia IS member khat thauvan honkhattawh kiman

Tuapa tawh adang mi 6 zong kimankhia uh a, hih migilo te’n Malaysia gamsung ah gitloh gamtatna bawlsawm himahleh agamtatma in aki mankhia uh cih kiza hi. Sawltak #zomidaily