COVID-19 Alert XII: Atheih huai White House & CDC pan akibawl Gam honkik nang zuih ding thu khun te (Guidelines for reopening Up America)
COVID-19 hangin nasep (businesses) leh Sang (school) te aa kipan akikhak te hon kik theih nang zuih ding thukhun (guidelines) te Phase One pan Phase Three (Dawl khat pan Dawll thum) White House leh CDC pan geel khia uh hi. State Governor ciat in amau state ciat ah thu khun behlap uh aa, federal leh state guidelines zuih ding bawl tek uh hi.
I omna State ciat ah Phase (Dawl) bangzah na tung ta hiam cih theih huai mahmah hi. Gentehna – Ko omna US Capitol (Washingon D.C), Maryland, leh Virginia State te ah Dawl khatna (Phase One) tawh kipan pan hi.
Guidelines for Opening Up America: PHASE ONE (Dawl #1 na):
- – Inn tek ah om lai ding, akisap kei leh inn pua vak khia lo ding (Shelter-in-place, Stay-at-home)
- – Mipi lak i pai ciang social distancing zang tek ding (6-feet social/physical distancing in Public) leh maituam (face mask) zang ding (hih pen akibehlap kik thu khun hi).
- – Mi 10 pan atungsiah kikhopna, kimuhna nei thei lo ding
- – Athupi lua aom kei leh khualzin lo ding (Avoid non-essential travel)
- – Ahih theih leh inn pan nasem tek ding (Encourage Teleworking)
- – Sang teng khak lai ding (Schools remain closed)
- – Zato (hospital) leh Pitek, Putek te koihna mun (Senior living facilities) te ah kihawh thei lo ding
- – Ansai (sit-down dining), movie theaters, Kimawlna (sporting venues), Kikhopna (places of worship) cih te pen Federal kumpi ii thukhun guidelines tawh kizui in State governor ten amau state ciat ah thu khun bawl in social distancing guidelines tawh kihong kik thei ding hi. Ahi zongin mimal phazah ii 50% ciang bek kiphal pan ding hi.
- – Kimawlna (Gym) te zong physical distancing leh sanitation protocol tawh kihong kik thei ding hi. State atam zaw in belh outdoor Gym te bek hon ding vaihawm phot uh hi.
- – Zu sai (Bars) te kikhak lai ding hi.
- – Paak huan (Park) te ah exercise bawl in lam siau (walking) leh Naga beng (finishing) bek kiphal thei pan ding hi.
PHASE TWO (Dawl # 2 na)
- – Inn tek ah om lai ding (Continue to Shelter-in-place, Stay-at-home)
- – Mipi lak i pai ciang social distancing zang tek ding (6-feet social/physical distancing in Public) leh maituam (face mask) zang ding (hih pen akibehlap kik thu khun hi).
- – Mi 50 pan atungsiah kikhopna, kimuhna nei thei lo ding
- – Khual zin thei ta ding (Resume non-essential travel)
- – Ahih theih leh inn pan nasem tek lai ding (Continue to Encourage Teleworking)
- – Ansai (sit-down dining), movie theaters, Kimawlna mun (sporting venues), Kikhopna (places of worship) cih te mi 50 ciangtan in physical/social distancing thukhun tawh kihong kik thei ta ding hi.
- – Sang (schools), naupang kepna (daycares), leh camps cih te physical/social distancing thukhun te tawh kihong kik ta ding hi.
- – Zato (hospital) leh Pitek, Putek te koihna mun (Senior living facilities) te ah kihawh thei nai lo ding hi.
- – Park ah picnics cih te mi 50 ciangtan in physical/social distancing guidelines thu khun te tawh kiphal kik thei ta ding hi.
- – Zato ah kikheina (surgeries) te zong kibawl kik thei ta ding hi.
- – Kimawlna (Gyms) te social/physical distancing guidelines tawh kihong kik thei ta ding hi.
- – Zu sai (Bars) te federal leh state thu khun tawh kihong kik thei ding hi.
PHASE THREE (Dawl # 3 na)
- – Stay-at-home leh shelter-in-place order cih te om nawnlo in apua lam kivak khia thei ding hi. Ahi zongin physical/social distancing guidelines thu khun pen zui suak lai ding hi.
- – Ahih theih lai teng mi honpi om na ah sawt pi om lo ding
- – Nasepna te ah thu khun om nawnlo in na kisem thei ta ding hi.
- – Zato (hospital) leh Pitek, Putek te koihna mun (Senior living facilities) te ah kihawh thei ta ding hi.
- – Ansai (sit-down dining), movie theaters, Kimawlna (sporting venues), Kikhopna (places of worship) cih te physical/social distancing thukhun tawh kihong suak thei ta ding hi.
- – Kimawlna (Gyms) leh Bars te social/physical distancing guidelines tawh kihong kik thei ta ding hi. Thomas On Sian Mung (Thomas Mung Guite) Washington D.C May 11, 2020. eference: White House
Comment piaknop aomleh...