Naupangno khat mawtaw sungpanin akiatkhiat laitak Video Clip ki thehzak

Naupangno khat mawtaw sungpanin akiatkhiat laitak Video Clip ki thehzak

Naupangno khat mawtawsung panin aki lotkhiat laulauna Video Clip pen Social Media tungah ki thehzak hi. Tua thupiang pen zanni Monday (May 28) ni in Malaysia gamsung Terengganu ah thupiang kici hi.

Road Transport Department headquarters geinai aom lamkabom Traffic Light Junction ah thupiang hi a, tua naupangno mawtaw sungpanin akiatsuk laitak pen CCTV panin Video Record kibawlkha hi.

Video sungah Perodua Axia mawtaw khat Traffic Light anawkphei laitak in, mawtaw amaibuk aveilam kongkhak kihongin, naupangno khat kiasuk laulau hi. Apuansilh tungtawn in tua naupangno pen pasalno khat hiding in ki ummawh hi.

Kamphatna tawh tua mawtaw ii anunglian ah adang mawtaw azuipah omlo bilbel ahih manin, tua naupangno pen kuamah anawkkha omlo in, ama tuanna mawtaw anunglam apei inzong nawkkhalo bilbel hi.

Naupangno in thuaklahtuak khollo bilbel in, lamzikpi laizang ah akiatsukkhit ciangin amathu mahin thotokik a, Traffic Light omna lamah taipheizolai veve hi.

Adang mawtawhawl leh Motorcycle hawlte lunghimawh in vadelh ngeingai uhhi.

Video: A video of a child thrown out of a moving car at a traffic light junction near the state Road Transport Department headquarters here has gone viral on the social media. In the 12-second long clip, the child, believed to be a boy based on his clothes.

NST te pulakna ah hih thupiang pen zanni nitaklam 8:30pm hunpawl in thupiang hiding ci uh a, Police Report akibawl omlo ahih manin, naupangno ii akum leh amin cihte bangmah akician in kitheihna omnailo hi.

Hihvai tawh kisai in Police Report hongkibawl omlo hi ci’n Kuala Terengganu police chief Assistant Commissioner Idris Abd Rafar inzong genkhia hi. Hih naupang mawtawsung panin akiattheih nadingin aki sawnkhia, gitloh gamtatna “Foul Play” cihtepen kitheicianlo cihi.

More: US Arkansas ah naupang kum 4 aphapan khat Bus tungpan kia in akhaguh kitan, silo

Ahi zongin tuahsiatna tawh mawtaw kongkhak akihon ciangin, naupangno zong konggak “Seat Belt” thuahlo ahih manin, akiakhia hidingin ki ummawh cihi. Naupangno te mawtaw sungah atuan ciangin uliante bangdanin tuhithiat khollo uh ahih manin, kidop huai mahmah hi. Sawltak #zomidaily