Malaysia ah tuisa belpi sungah kikhuhcip in Stunt alakkhat sisuak

Malaysia ah tuisa belpi sungah kikhuhcip in Stunt alakkhat sisuak

Malaysia, Kedah State sung aom Kuala Sanglang ah pasal khatin “Human Steam” akici tuisa akisuang belpi sungah omcip in Stunt alahlaitak lakkhial in sisuak cih theStar pan kiza hi.

Tua Stunt alakapa pen kum 68 aphakhin Lim Ba kici khat ahihi. Stunt alahma in Video kizaih in, belpi sungah cimawh in apusuah laitakzong Video kizaihkha a, mulkimhuai mahmah hi.

Belpi sungah aki khupcipzawh Minute 30 khitkhawng ciangin asunglam panin tua belpi akibeng agingpen apualam pan kiza ahih manin, tuaciang in alawmte’n tua belpi hongkhia in ala khiakik uh ahihi.

Kuala Sanglang aom Chinese Temple khatah “Nine Emperor God prayer session” ci’n Senbiakna thungetpawi ah “Human steaming stunt” alak hi a, hihpawi pen Monday nitaklam in akibawl ahihi.

Palik thunei khat ahi Kubang Pasu district police chief Supt Mohd Ismail Ibrahim in agenkhiatna ah asihna ahangpen Heart Attack hangin asi hi ci a, tuaban ah meikhu tawh akatdeuna zong Second-degree burn in ki ciamteh hi.

Hih medium Lim Ba ii atapa kum 32 aphakhin Kang Huai kici in agenkhiatna ah apa pen Monday nitaklam 10pm hunpawl in Steaming Act Performance abawl cihi. Tuisa akisuang belpi sungah akikoih, aki khuhcip hi a, asung lampan in akiuhging kazak uhciang in akhuhna ka hemkhiapah uh cihi.

Tuaciang in Ambulance kisampah himahleh asawtlo in kapa pen naknawnlo in sisuak hi ci’n genkhia hi. Nungkum inzong apa pen alungtang Heart Bypass akibawl hi a, hoihtak in huih diktheilo, huihdik hamsa sathei hi. Tuahang in Heart Bypass akibawlzawh Hypertension zong neilailai ahih manin, zatui tawh akibawlden cihi.

Lim Ba pen hihbangdan Human steaming stunt abawlzawh pen kum 10 sungbang hikhinta hi. Asihding nitak inzong adamlohtawh atate’n phallo himahleh aman Stunt bawlnuam veve ahih manin, abawllaitak cimawh in asisuak ahihi.

More: Facebook te neihsamah ahi Instagram kilimzat semsem, khasim mi 800 Million te’n zangden

Abeisa in hihbangdan Human steaming stunt abawl ciangin belpi aki khuhcip sungah Minute 75 sungbang asaupen omthei cimawk hi. Tuapen belpi ii anuai panin meikuang akicihto ziahziah ahihi. ZD Sawltak #zomidaily