Kawlgam galkap vanlengkia ii Black Box ki mukhiata

Andaman Sea tuipi sungah mi 122 apuak laitak akiasuk Kawlgam galkap vanlengkia ii Black Box kimuta cih AFP pan kiza hi. Tua Black Box pen Kawlgam tembaw khatin amukhiat hi ci’n Myanmar Army te’n Sunday ni in genkhia uhhi.

Hih Y-8-200F ii Black Box kimuta ahih manin, vanleng akiatna ahang taktakzong asawtlo in kithei tading in ki ummawh hi. Hih galkap vanleng pen Myeik panin Yangon khuapi zuanin alenlaitak June 07 ni in Andaman Sea tuipi sungah akiasuk ahihi.

Passengers atamzaw pen galkap te ii innkuanpih, azi leh atate uh kici hi.

Vanleng akiat akipan akizongpah ngekngek hi a, tuciangciang misiluang 92 kimukhin hi. Tuaban ah vanleng ii athemneng pawlkhatzong Dawei khuagei aom tuipi nawlpan kimukhia kici hi.

Nungkalsung inzong vanlengkia ii amei “tail” lamsangteng kimukhin ci’n thunei te’n genkhia uhhi.

Zanni Sunday ni petpet ciangin vanleng ii Black Box pen kimu khiata hi. Hih Black Box sungah Digital Flight Data Recorder leh Cockpit Voice Recorder om ahih manin akiatna ahang taktakpen ki theipahding cihi.

Hih galkap vanleng tungah Passenger leh Crew atuang khempeuh akigawm in mi 122 hi a, tuciangciang misiluang 92 kimu khiata ahih manin, adang mi 30 bangmah amangciplai veve ahihi.

Hih vanleng kiatna pen tunai galkap vanlengkia te lakah ahuaisia pen khat ahihi. Ahi zongin tuni ciangdong hih vanleng kiatna ahang taktakpen Army thuneite’n genkhiat kician neituan nailo uhhi.

hih vanleng “four-engine turboprop aircraft” pen aki zatzawh kum 2 khawngbek hipan a, akizatzawh nai 809 Hours khawngbek alengpan kici hi. Ahi zongin Senbawl himawk ahih manin kimuang mello hi.

Hih vanleng pen Senbawl “Chinese-made Y-8F-200 four-engine turboprop” kici a, vanlenghawl pen Lieutenant Colonel Nyein Chan kici hi. Vanleng hawlpa pen akigawm in vanlenghawlzah nai 3000 valbang Flying Experience aneikhinsa khat ahihi.

Kawlgalkap te vanleng “Myanmar’s Military Fleet” tepen abeisa hunsung in kiapahpah mawk hi. Nungkum February khasung in Naypyidaw panin galkap vanleng khat alenkhiat khitzawh asawtlo in meikuang in kiasuk a, mi 5 in sihlawh hi.

Related: Ryanair vanlengsung tutna tungah mipi muhin numei leh pasal omkhawm

June khasung inzong Mi-2 Helicopter khat South-central Bago ah kiasuk in meikuang a, Army Officers mi 3 in sihlawh uhhi. Sawltak #zomidaily