A Hoih mahmah Numei leh A Vam mahmah Tuizeu Noccalula
Hun khat lai-in Native American a hi Cherokee Indian te hausa pa’ tanu hoih mahmah Noccalula kici khat nei hi. Melhoih Noccalula a kum hong cin ciang-in a nampih tangval hangsan khat tawh hong ki ngai mahmah uh hi. Hi mah leh thu nei mahmah Hausapa in tua a mipih tangval hangsanpa tawh a kiten ding sangin namdang a hi Creek Indian Hausapa tawh a kiten ding deihsak zaw hi.
Mihau Creek Hausapa tawh ki tengleh hauzaw ding, nuamsa zawding leh a mo man tam ngah zawding a hih man a hihi. Tua bangteng tawh a tanu ki ngaihpih talval pa a gampan hawl khia hi. Tua khit ciang-in Hausapa in a tanu Noccalula pen Creek hausapa tawh ki teng ding-in ki thawi sak hi. A ni hongtun ciang-in mo puan khawng ki silhsak-a Noccalula in nu le pa deihna zuih sawm mah leh a lung hongleng lua mahmah hi.
A khitui te nulzo nawn lo-in a neulai-a a u tawh hunnuam a zatna mun teng-ah vak mang ding-in hong taisim hi. Gamlak a paipai leh a hoih mahmah tuizeu khat hongtuak hi. A it mahmah a lawmpa tawh ki tenglo-in a it lohpi khat tawh ki teng ding-a a ciah kik ding ngaihsun zo nawn lo hi. A sawtna ciang-in tua tuizeu pan a tuak lum hi.
A lawm ngaih pa-in tua thu a zakphet in tua tuizeu ah a mah zong a tuak lum hi. Cherokee Hausapa in hih thu a zak ciang-in a tanu a lawm ngaihpa tawh a khen hong ki sik mahmah-a a tuituahna mun tua tuizeu pen a tanu min Noccalula hongvawh hi. Tua ni aa ki pan hih a hoih mahmah tuizeu pen melhoih mahmah nu min Noccalua ci-in tuni dong ki sam a hihi.
Noccalula Falls Park in acre 250 bang zai in Gadsden khua Alabama, USA ah a om hi. Hih park pen Alabama gam-ah a lamdang pen leh a ki muhnop pen mun a hihi. Hih park ah a muhnop penpen ah pi 90 bang a sang Noccalula Tuizeu (waterfall) a hihi.
Tua ban-ah Tangtawng aa ki bawl kulh(an aboriginal fort) khat, a ki zang nawnlo tuibempi (an abandoned dam) khat, Inn ki lam masa peente leh Americante tualgal lai-a vanzat luite ki mu thei hi. Mitkha tawh a mu nuamte aa ding-in a nuai-ah Tom-Kim-Cing in ki en thei hi. Andrew Khai
Comment piaknop aomleh...