A kitamzaan lungtang ~ Dong Mung

A kitamzaan lungtang ~ Dong Mung

A kitamzaan lungtang hangin nuntakna thak kipan thei a, nuntakna buppi kisia cip thei hi.

A kitamzaan lungtang na muhkhak ciangin va simmawh le va neumuh sak kha ken…Ama mun ah nang hi lecin zong kitamzaan kha ding hiteh…

A kitamzaan lungtang hangin la nguumngeek hong piangkhia thei in, laigual hoih mahmah hong piakhia thei ahih manin manpha veve lel hi.

A kitamzaan lungtang hangin khitui luanga, tua khitui in deihna lianpi hong kilangsak thei hi.

A kitamzaan lungtang mah in Pasian lungtang va sukha zo ahih manin kitapzaan zelzel kisam hi.

A kitamzaan lungtang Pasian in simmawh hetlo a, a kisia gawp lungtangte damsak thei Pasian ahi hi.

Sanggam aw, bang thu le late in nang na lungtang hong tamzaan sak hiam?

Tua-a, a tamzaan na lungtang mah tawh a nungta Pasian kiang va naih in…I Pasian pen migi in hehpihna tawh kidim ahih manin i natnate hong damsak in, i lamet beinate lametna thak hong guan dinga, i dahna khituite nuamna khitui tawh hong khelsak in…

Lungkhamna kuampite lametna kongpi tawh hong khelsak in…Guallelhna tawh ki tot khak lampite gualzo a lamna tawh hong nawksak ding hi. I lawhsapna mun mah ah lawhcinna hong piang dinga, i maizumna mun mah ah maitaina le maingalna hong pia ding hi.

A kitamzaan i lungtang mah tawh i Pasian kiang va naih ni. Ama’n hong kalsuanpih dinga, Gualzawhna mualdawn ah hong tunpih ding hi. Thasan ni

A kitamzaan lungtang a simmawh lo i Pa Pasian kiangah i haksatnate va ko ni…. A tamzaan lungtang tawh Pasian mai a zong, Dong Mung