China ah papikhat anaksung panin liit ahinglai aki kaihkhiat laitak Video ki khahkhia

China ah papikhat anaksung panin liit ahinglai aki kaihkhiat laitak Video ki khahkhia

Nakvang sungah napkhem neucik, themkhacik aomzong nopmawh mahmah hi. Nakkuavang “Nasal Cavity” sungah liit nisawm sungbang omcip in, nisim in nasisan hong hupsak dending cihbang na ngaihsunkha ngeihiam? Cikziat huai mahmah hi.

South China gamsung aom kum 51 aphakhin papikhat anaksung ah liit ahinglai khat omcip cimawk hi. Tuapa pen anaksung ah anopmawh mahmahkhat omden cih atheih ciangin Guangxi, Beihai khuasung aom Hospital khatah akilakding in paihi ci’n Shanghaiist News te’n pulakkhia uhhi.

Tua papipa in anakvang sungah asisan ahupsakden liit aomlam pen theipaklo, phawkkha seselo cisawnsawn hi. Ahi zongin azi in anakvang panin agamtang khat mukha a, ahi zongin tuapen ninthem hilo in, anakkuavang Nasal Cavity sungah luttumsuak in ki lakhiatheilo cihi.

Tuaciangin zato ah kilahding akhentatpan ahihi. Hospital panin Doctor te’n hoihtak a etsak uhciangin anakvang sungah liit ahinglaikhat omtakpi cih mukhia uhhi. Anakvang ataklam “Nasal Passage” sungah liit amuh ciangin Doctor inzong lakkhiat sakding in kithawipah hi.

Tua papipa ii anaksung ah aomcip liit pen asauna letmat 4 inches (10 cm) bang sau a, anakvang sungah hih liit aomna hangin papipa pen anakpan sisan luangkhiathei zelzel kici hi.

Doctor inzong anakvang pen Forceps tawh kakgolsak in, Tweezers tawh anaksung aom liit pen kaihkhiat sakdingin kipanpah hi. Tuabangin papipa ii anakvang sungpanin liit aki kaihkhiatding laitak in Video zong hoihtak in Record kibawlpah hi.

Video: The man’s wife had claimed to have seen something ‘peeking’ out of his nostril before it disappeared back up in his nose. At the hospital, the doctor could confirm that there was indeed a giant, LIVE leech lodged up the nasal passage by simply glancing up the man’s right nostril.

https://www.youtube.com/watch?v=A-1076IbhBc

Tuaciang in anakvang sungpanin liit mankhia takpi a, akaihkhiat ciangin kivial ngaungau a, cikziat huai leh kihhuai mahmah hi.

Hih papipa ii anak sungah hih liit pen bangci bangin lutthei hidinghiam cihpen kitheinuam mahmah hi. Papipa ii upmawhna ahabeisa in Yunnan Province sung aom mualtung panin aluangkhia luitui “Fresh Mountain Spring Water” panin tui dawnngei ahih manin, tuapan in anaksung ah liit alutkha hidinghi ci’n genkhia hi.

More: Ganhing leh ganhing asih uhciang sihvui hunbawl, thunget cihte anei uhdiam

Zogam ahzong naksung ah liit alutsak omngei hi. Tuabangin naksung ah liit alutsak aom ciangin tuibuk khawng anaksung ah ki sunsakthei a, tuaciangin liit in nopmawhsa ahih manin, anakvang panin dawkkhiathei a, tuapanin ki kaikhia theipan hi. Bawng, Sakol, Sial cihte ii naksung ahzong liit golpipi omthei hi. (Liit pen English inzong Leech hi a, a awsuahbang kinai mahmah hi) Sawltak #zomidaily