Vanleng galkap mang Dr. Muan Thang lungdampihna

Vanleng galkap mang Dr. Muan Thang lungdampihna

Dr. Muan Thang in Australia gam ah Australia kumpite Vanleng galkap bawk 3, Australia Defence Force pan hong ngah ahih manin ama hangin angtang in Pasian minphat in lungdampihna Thu Kong pulak hi.

(“Flight Lieutenant, Advisor to Commanders, all military personal training leaders in the defence force, spiritual advisor to all defence force” appointed by chief of defence force australia)

Hibang in picingsa gam dang tung a, Mangkangte lakah nautang pan kipanlo in Zalianpi Ngah pen Zomite genloh Asia sung pan zong tawm ding ahih man in Dr. Muan Thang pen “ Tangthu gelhthak (Historical Maker) taktak ahihna zong ka pulak nuam hi.

Ama nunzia pen mi citak mahmah leh thukanzo, laisim hat mahmah khat hi-a, thu zong thei mahmah hi. Ama nun zia tumdang sa ka hih man in Australia ka om sung in a ama thu ka dotte lak ah khat gen hileng, “ Siapa a heh ciang bang a ci-a, ka cih leh khat in “ nuiziau” hong ci hi. Minun nem leh mi deihsak mahmah khat a, hiciang dinmun tungzo ding lungsim picing mah a paiingiat himawk hi.

Keizong ama hong sapna tawh Australia ka vapaithei a , ahun manpha tampi hong pia in hunnuam tampi hong zat pih hi. Ka ciah ciangin zong lawmte tawh vanleng tual ah hong kha uh a, international vanlengte check in bawlkhit teh hong khate in hongzui theinawnlo himah leh ka lenkhiat dong hong ngak uh ahih man in kigal etet in sawmpi ka tu uh a, ka leng petmah teh ciah pan uh hi.

More: Zomi Innkuan Australia makai thakte ~ Khaibawi

Ka ciahma in hih dinmun a tunna ding Australia kumpi telna laite honglak a, “ lah kipelh nawnlo ding a, kei omsungin Topa tung lungdamkohna khat bawlni” ci a ka nget leh hipen Australia kumpi in mitheihsak ding a phalnailoh hi, hong ci ahih manin Zomite a dingin angtan huaisa in lungdampih peuhmah hina pi ing in ama pianna a Pa kiang simloh koima dang ah ka genloh, genkhiat ding ka ngaklah mahmah “Australia Vanleng galkap mang (Lieutenant) Dr. Muan Thang, damsawt hen, Zomite hong lamsang Pasian minthang tawngtung hen. Amen Sia Pauno