Ganhing leh ganhing asih uhciang sihvui hunbawl, thunget cihte anei uhdiam

Ganhing leh ganhing asih uhciang sihvui hunbawl, thunget cihte anei uhdiam

Sai ak ihcih “Turkey” honkhatin zawhngeu asi khat kimvial in akileh ngeingai laitak uh Video kizaihkha citciat in, tua Video Clip pen Social Media tuamtuam ah kithehthang in, lamdang kisa mahmah hi.

Tua Video Clip pen Twitter tungtawn in J. Davis kicipa in hong Upload khiat masa kici a, amahpen US gamsung aom Boston khua pan ahihi. Lamzikpi laizang ah zawhngeu asi khat aompen Turkey akte ageiteng ah kimvial in kizui ngeingaimawk uhhi.

A geinai ah naihin aneksawm cihzong omtuaklo, misi vuiding bangin thungen ahih keileh phuisam bangin kileh datdat sese uhhi. Ganhing asi khatpen agei ah ganhing honkhat mahin kimvial ngeingai cihpen lamdang citciat kisa mahmah hi. Akimvialhdan zong aomna uh khatlehkhat aki gamlatna kikim dimdem phialleh kilawm hi.

Hihpen bangtanvei tuabangin kileh uh cih kitheicianlo a, Video Clip sungahbel sawtpi kizaih khalo hi.

Video pen Social Media tuamtuam ah aki thehthang ciangin amukha peuhin a upmawh tek uh gen ngeingai uhhi. Video na etsak inla, nangzong na upmawh Comment ah suaktatak in nagelh dihve leh lawm ….. ZD Sawltak #zomidaily