USA, Florida pan Pi Thian Huai (Kaptel, Hatlangh) in hongnusia

USA, Florida pan Pi Thian Huai (Kaptel, Hatlangh) in hongnusia

Mangpha Pi Thian Huai (Kum 85) Hatlangh Beh – Kaptel khuami Jacksonville, Florida aa ateng Pi Thian Huai in abeisa April 15, 2021 in Tuap natna tawh hongnusia chih thu izak man in ZIUSA kipawlna mintawh dahpihna i pulak hi.

Pi Thian Huai pen Zomi te kipawlkhopna Zomi Innkuan Jacksonville ah member khat leh ZIUSA Genvai member honglut ni 7/31/2016 pan active member khat ahih manin thumeilet bylaw zuiin (100%) Death Benefit $15000 kipiakhia dinga paakkual $150 man khattawh zong mangpha khakna kinei ding hi.

Pi Thian Huai luanghawm tawh anunungpen hunzatkhop ding hong tungding Saturday April 24, 2021 in (ZCCJ) Pawlpi makaihna tawh Funeral Service bawl khit ciang, Rev.Kham Khan Suan in Hardage Giddens Greenlawn Cemetery han ah vuina nei ding hi.

Pi Thian Huai hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)