Motorcycle tuankawm in alaamlaam khat kiman, Video kithehzak

Motorcycle tuankawm in alaamlaam khat kiman, Video kithehzak

Indonesia gam ii Capital khuapi ahi Jakarta City sungah pasalkhat Motorcycle atuankawm in alaam kawmkawmna Video Clip khat tulaitak Social Media ah kithekzak hi. West Jakarta, Glodok khuasung ah Motorcycle atuankawm in alaam kawmkawm ahih manin, “Dancing motorcyclist” kici hi.

Tua Video Clip pen Online tungah aki thehzak ciangin Jakarta Police te’nzong kankhiapah uh a, mankhia in thudotna nei uhhi.

Tua Motorcyclist pa ii aminpen Sakhiun kici a, Police te’n thudotna aneih uh ciangin tuabangin kalaamkha mahhi. Ka khangnolai inzong Motorcycle tuan kidemkhawng ka ukmahmah khat hi ci’n genkhia cihi.

Hihbangin Motorcycle katuankawm in khuasung mipi te gualnop lungnop nadingin Entertainment kabawlzel a, hihbangin kabawlpen 6 veibang hikhinta hi.

Tuabangin kalaamkawm ciangin mipi te’n Photo leh Video hongzaih uh a, tuatengtawh Social Media ah aki thehzak hi ci’n genkhia hi.

Ahi zongin lamzikpi thukhun “Traffic Law” azuilo, apalsat ahihlam amahleh amah kaki theikha keihi ci’n genkhia hi. Amahpen lamzikpi anawllam ah mipi te lungnop nadingin alaam ahih manin, Traffic Law apalsak ahihlam akitheikhalo cihi.

Video: Dancing motorcyclist gets police warning after viral video

Hih Motorcyclist pa ii alaamdan pen Japanese anime Nanatsu no Taizai tawh kibang hi ci’n Thursday ni akipan Social Media ah Viral Video in aki thehzak ahihi.

Hihvai tawh kisai in West Jakarta Police traffic division head Adj. Sr. Comr. Sudarmanto in agenkhiatna ah Motorcycle leh Car cihte hawllaitak in laamkawm pen lamzikpi thukhun apalsak ahihi ci’n genkhia hi. Motorcyclist tepen lamzikpi tungah laamkawmding kiphallo hi.

More: Kachin, Myitkyina aom Kanbawza Bank ah damiah lut, thein 920 puakhia

Banghanghiam cihleh amau nuntakna alauhuai bekthamlo, midang te nawngkaisak in tuahsiatna piangsakthei hi ci’n genkhia hi. Hihbangdan gamtatna pen liausum Rp 750,000 (RM212) kipiasak thei a, thongzong kha 3 ki kiasak theihi ci’n genbeh hi. Utdan atuamtuam cipak ni. (Leitung thulamdang, thukhel khatpeuh aki suahsak ciangin nasim tektekding cihna hipahtuan samlo hi. Pawlkhat in athupizaw omlohiam ci’n aktawphun bangin aphunphun omthei a, tuate mahin limsimpenpen zawsopleh kilawm lailai hi) Sawltak #zomidaily