Zogam nunnuam ding la hong pian’khiatna ~ Lengtong Pauno

Zogam nunnuam ding la hong pian’khiatna ~ Lengtong Pauno

1980 kumin, ka U Lengtong Go Lian tawh, kapu kapa’ khua Tuithang panin, ka khan’khiatna Tonzang khua kahawhkik uha, Pu Nang Khan Lian te’ inn ka tung uh hi.

Tonzang Immigration (လဝက) zuma aseem Pu Nang Khan Lian ii apu’pa Pu Thang Khen Kham (Phaitu) in, aphuahsa lamal hongpia a, la aw ka thuahsak la pen, ZOGAM NUNNUAM DING acih la hong piangkhia ahi hi.

Lamal: Pu Thang Khen Kham (Phaitu).
La aw: Pu Lengtong Pauno (Tuithang) ahi hi.

Ka lungdam, Munkhai’pa

Video: Zogam nunin nuamding ~ Lengtong Pauno {Khuado Malaysia 2016}

https://www.youtube.com/watch?v=k_ITq8TIk5Q

ZOGAM HONG PAAL DING

Hihla zong, kum 1984 kuma, Pu Gui Za Thang (Guite, Lamka) in, alamal ana bawlsa, a la aw (akaih) ka bawlsakkik, Pu Khoi Khan Dai tanu Lia Muani tawh, Imphal a, studio phuaktawma Lengtong Hoih Music Group te’n kana record mawkmawk uh la ahi hi.

Lamal: Pu Gui Za Thang (Guite, Lamka)
La aw: Pu Lengtong Pauno (Tunglut,Tuithang)

Ka lungdam, Munkhai’pa

LENGTONG PAUNO

Hih ”Title” pen ka utthu a kangah hilo hi. Taang Pauno minin la kakhum hi. 1982-83 in Pasian thupha tawh ka late hong minthang hi.

MV Pauno, G. Pauno leh Eco Pauno ci in, Pauno akici min bekbek tawh, lasiam tampi hong om ciangin,….. keipen, Lengtong khuisunga lasapa Pauno pana, Lengtong Pauno hong kici ahi hi.

Lasasiam bekbek Pauno atamluatman ahi hi. Khan’tohna khat hi..

Ka lungdam, Munkhai’pa

DAISAKNA HILO DEIHSAKNA

Yangonpana hongpai, ka lawmte’ meeltheih Pastor khat, ka omna innuah honghawh hi.

Innsunga om van le na te, kua aa’ kua tawh kisai cihte kan masa kholhetlo in, sawkin zangh ziauziau mawk hi. Azat khitteh… lungdam, beekzong cilo lai hi.

Mi vakthap mawkmawk hilo a, Yangon khuapi sunga Pasian naseem Pastor ahihna tawh kizui in, gamta kampau leh, cih adeihsak lua kahi hi.

Kitheihpihngei kimaingappihngei hilo banah, kei’kianga honghawhlian zong hilo ahih manin bangmah kagen ngamkei hi.

Mailam hunah, Zomi Pasian nasem, adiakdiakin Pastor khempeuhin, a Pasian nasepna uhpen, Biakinnsung pulpit tungbek asa nawnlo dingin leh, Topa’n ahoihlama akhuaval pilna ciimna hong guatsak nadingin thu ngetsak ciatni.

Ka lungdam, Munkhai’pa