Zahmawh Video bekbek a encipden pasalno khat apa’n akhut tankhiatsak
India gamsung ah sasemsem “Butcher” nasep asem khatin atapa khut tankhiatsak cih Straits Times pan kiza hi. India, Hyderabad ah Monday (March 5) ni in thupiang kici a, atapa pen zahmawh video “Pornography” vive enden ahih manin, apazong aheh suaklua mahmah in akhut atansak ciliang hi.
Local Media te genkhiatna ah tua sasempa ii amin pen Mohammed Qayyum Qureshi ci uh a, kum 45 aphakhin khat ahihi. Akhut atansak atapa ii aminpen Mohammad Khalid Qureshi kici hi.
Atapa pen kum 19 aphakhin khat hi a, zahmawhvai Porn Movide lim etlua, kidekzolo liangin encipden ahih manin, apazong aheh suaklua mahmah in sasemna ah azat Butcher’s Knife kici temtapi tawh atapa khut tankhiatsak cimiau mawk hi.
Atapa pen Local Cable Television Operator nasep asemkhat hi a, nungdiak in Smartphone khat leithak cihi. Tua Smartphone aleizawh, Phone sungpanin Movie tuamtuamleh Pornography bekbek encipden hi ci’n Hindustan Times te’nzong genkhia hi.
Tuabang in atapa in Porn Film bekbek a etcipdetlam nung Sunday ni in apa in theikhiapan hi. Tuaciangin atapa ii a Mobile Phone zatpen laksak in kepcip saksawm hi.
Ahi zongin atapa in a phone alaksak ciangin phalo bekthamlo, apa ii akhut pehsak in, tuakhit ciangin innpan in paikhia cihi. Tuazan inn ah aciah kikciang inzong apa deihlohpen thudonlo in Video bekbekmah encipden hi.
Azingciang in tuate pata pen kitawnggawp in, ki kamnial dikdek uhhi. Tuaciangin apa zong hehmahmah a, sasemna temtapi khat alak khitciangin atapa ii akhut ataklam tankhiatsak cimawk hi. Akhutme cihzong hilo in, akhutngawng panin tankhiatsak liuleu cimawk hi.
More: Thai gamsung ah pasal te zahmawh ango, akang dingin kibawl sakthei cih mithang mahmah
Tuakhit ciangin atapa pen Chaitanyapuri aom zato ah kipuak in, apapen amahleh amah Pahadishareef Police Station ah ki ap, kimansak cihthu kiza hi. Sawltak #zomidaily
Comment piaknop aomleh...