Kim Jong Nam sihna North Korea gammi khat matding thu kipia

Kim Jong Nam sihna North Korea gammi khat matding thu kipia

Kim Jong Nam ki suamlupna vaitawh North Korea gammikhat Malaysian Police te’n matding in “Arrest Warrant” pulakkhia uhhi. Tuapa minpen Kim Uk Il kici khat hi a, kum 37 phakhin hi.

Kim Uk Il pen North Korea Airline khat ahi Air Koryo ah nasemkhat ahihi. Malaysia Inspector-General of Police Khalid Abu Bakar in Bernama te tungah Friday ni in agenna ah hihpa pen thudotna kibawlnuam ahih manin matding kideih cihi.

Malaysian Police te’nzong hihpa matnopna vaitawh kisai in Foreign Ministry tungtawn in Malaysia gamsung aom North Korean Embassy ah zaksakna neikhin uhhi. Kuala Lumpur khuasung aom North Korean Embassy ah tulaitak Second Secretary pen Hyon Kwang kicipa hi a, tuapa tungahzong mattheih nading huhna ki ngenkhin hi.

February 13 ni in Kuala Lumpur International Airport 2 sungah Kim Jong Nam akithah khitciangin athatding in aki ummawh North Korea gammi 4 tezong Indonesia lam zuanin lengkhiapah uhhi. Hih mi 4 te KLIA2 panin alenkhiat theihpah nading in avaihawmsak pen Air Koryo ah nasem ahi Kim Uk Il in ii vaihawmsak kici hi.

More: Kim Jong Nam thahna ah akihel Vietnam gammi Doan Thi Huong thu tawmkhat

Amat khitsa uh North Korea gammi Ri Jong Chol ahihleh mawhmattheih nadingin pansan kician, Evidence kician omlo ahih manin, khahkik uhhi. Tuni Friday ni in akhahkhia uh hi a, North Korea ah Deportation bawlin puaksuakpah uhhi. ZD Sawltak #zomidaily