Nu ka gilkial
Ka inn kalo teng uh ki siakhin ahih man in, buk na ding nei lo in, ka ta teng tawh singnuai khat zuan in, ka ki busa uh hi. nikten puan silh kikhek na ding nangawn omlo leh kuan ong huh tam ci-in, ka khua ngaih lai tak in, ka tate in Nu kagil kial ong cih ciangun, kei gilgial lam nangawn phawk man nawn lo in, ka tate nek ding zongin kabuk na siang nuai pan un ka vak khia hi. ka ip sungah Kyat 300 na om bilbel ahih man in, hih sum tawh ka ta te nek ding lei ding ka zongin khua sung ka pai suak a leh khua sung ka tun ciangin nidang a kavan leilei na saipi ka gal muh ciangin tua van sai na ki khak mawk hi.
Kei zong lungkia tuan lo in ka pai phei zel leh, papi khat tawh ka kituak a, pi aw koi ah pai ding na hiam bang zong na hiam ong ci-in, kei zong Ka tate a gilkial lua ta ahih ciang a, ka neih sunsun sum zathum tawh ka tate nek ding zong a khuasung ong pai hing ka cih leh, pi aw ki leh kik in ih Zogam naksiat lua mahmah a hih man in, Kialpi ongtung ding cih ki thei ahih man in, sai nei khempeuh in aneih sa uh van te zuakkhia ngam nawnlo in. Antang zuak te na ngawnin aneih sa uh angtang te zuakngam nawnlo uh hi.
Kei zong nek tawm ding zong a vak mah ka hi a, munkhat ah antang hai khat Kyat 300 tawh na ki zuak in kei zong ka kigualh leh abei na hi ta ahih man in, hai khat bekbek mah kangah kha hi. Ko innkuan in bang ci nek ding ci -in, lungkham pipi a ong ciah ka hihi. tua bang a nata te nek ding omlo ahih leh kei a onghawm ning ong ci-in, ama neih angtang hai khat pen hailang hong hawm in kei zong nuamsi ing e ka cih le ka khitui kamai ah ong tawlhsuk datdat mawk in, Pa pipa in pi aw bang dia kap na hiam tawm salua na hi hiam ong ci-in, kei zong hi peuhmah keng nuamlua ingh, Tun ciah kik leng ka tate nek ding om ta ahih man a nuam lua a ka khitui ong kia hi akap hi peuhmah keng ka cih khit ciangin ka ip sung a sum zathum ka piak leh pi aw, sum kisam keng ong ci-in ong pia ken ong cih in, kei zong lungdam tak leh maitai sa in kaki leh pah vingveng hi.
– Hih thu pen apiang taktak hi lo a, tulai tak ih Zogam ah dongtuak taktak te leh dongtuak taktak a hi lo, Innleh lo nei lai te ka khinkhai teh Inn leh lo neilo a dongtuak taktak te ka vei na ka Lungsim laigil pan a ongphul khia ong at ka hihi.
Thang Cin Khai
Comment piaknop aomleh...