Mipi khawlmun le Mi masate leh tangthu ciaptehna

Mipi khawlmun le Mi masate leh tangthu ciaptehna

Sangmang huang sunga (Mission compound, Tedim ) Sia Kam Khaw Thang’ inn tawh kisai 23 December 2017 ni in TBC zum ah holimna limci khat kinei hi.

Holimna tampi lak pan in

1)Sia Thang’ inn kimkot ah mi 40 / 50 bang a kitawlngak theihna ding tual le tutna bawl ding.

2) Inn a sung a pua a tungkhuh te a zahtakbaang mahmah dingin puah ding.

3) Mipi tawlngak theihna ding pakhuan hoih mahmah le kimawlna tuamtuam zong bawl ding

4) Gamvai biaknavai mimasate le mithupite tangthu mualsuang hoih mahmah phut ding

5) Atheih huai tangthu le a ciapteh huai thu manphate mualsuang tawh ciamteh ding

6) Sep le bawl pen a om sa commetti in zom suak dinga,Thomas Khannote innkuan ( Yangon ) makai in sum le pai kisamte zong ding.

7) Hih vai nasepna khempeuh ah fund dangdangte sukha vetlo ding.

Cih bangin lunggulh thu tampi kisunga TBC le committee in meeting na nei lai ding uh a, tua tungtawnin maban a kizom dingin kihona kinei hi. Lian Tuang