Yud cih kammal i vangliatna (The power of yud)
Siapa in sehtaak lakah ong pai pih khit teh mun khat ah ki maingat in ka tu uh hi. Ciang khat la in, sehnel lak ah a neu mah mah sutvom khat a dawt hi.”
“Hih in na nuntakna ong khel zo ding hi ven”
“Apostrophe khat in maw”
“Yud hi”
“Yud a cih bang a hia?”
” Yud a cih pen Hebrews laimal lak ah a mal neu khia pen pen, sutvom zah sang neu zaw lai, nak neu lua a hih man in ki nelhsiah thei den, tua Yud pan in Roman laimal ‘I’ leh ‘J’ ong piang khia hi. Tua Yud pan in Greek te lai ‘iota’ ong piang khia hi.”…………
” A vek un ong pian khiatna uh pen laimal neu penpen pan ong kipan hi ven.”
” Tua ahih leh tua laimal neu khia pen pen a thupitna bang ahia?”
” Lai lak ah a siangtho penpen a ki ngaihsun Hebrews lai hi a, hih kammal neu pen pan mah a ahong piang khia hi. A siangtho mahmah Pasian min YHVH pen Yud kammal pan ong ki pan khia hi. ‘Isarael’cih kam mal leh ‘Jerusalem’ Pasian khuapi pen Yud pan ki pan khia hi.
“A kammal deihna tua teng bek maw Sia?”
” Kammal lian, kammal thupi te ong ki pat khiat na ding pen a neupen pan ki pan khia hi ven. Mihing te nuntak na pen a neu khia penpen mittawh zong muh theih lo na khat tawh ki pan khia hi. Hih te pen Yud kammal i thusim hi gige.”
” Tua ahih leh ei a ding bang ci lak a, bang ci zat khiat ding i hia?”
” Ei te pen ‘ thak'(new) leh ki khelnate (changes) a nei thei ding a sapna angah te i hi ve.
A hizongin, i ngeina khat pen a thak cih leh kikhel cih limlim a deihlo, nuam a sa lo, a lamlawp lo te i hi ve.
Bangci bang in ki khel ding i hia? Lawhsapna pan lawhcin na ah cih te pawl e? Ngaihsun le hang’ a buaihuai thu khat hi maw. Bang ci kalsuan ding i hia leh? Yud cih kal masa tawh i kalsuan kul hi. Kal neu pen tawh ki khelna lianpi a piang sak theih nate lam zuanin kipan khia in.
Tua bang in na hanciam ciangin, gualzawhna tawh ki pan masa lo in kalneu khat suan masa ding hi teh. Yud a cih hangsan na kal, iota a cih kikhelna kal, sutvom a hi kipatna neu khat cih te pen na nuntakna a neipa in ongsapna dinmun tunga, na nuntak theih na ding hi. A lian mah mah nate lam manawh ding kipan in la, a neu pen tawh ong kipan in. Tua pen Yud kammal i thusim tawh a kipan na hihi.
The mission: tuni a ki pan in, kal neu pen tawh kalmasa ong suan in la, nathak khat, ngimna thak khat tawh nang ong sampa ongsapna mun na tun dong in ong kalsuan in ___yud cih khualzin na thak manawh in.
Job 8:7; Acts 3: 4_9
Canh day 7
Dim Lun Zam
Comment piaknop aomleh...