Pasal Cosmetic tamzat pen Souh Korea ~ Pau Tun Thang
South Korea pasal ten leitung gamdanga tangvalte sangin kizep kipuahna(beauty products) limzat zaw uh hi. Leitung mundanga pasalte sangin skin products lei nangin sum ta bei zaw uh hi. Mai zawl(mam) te Asian gamah mi lawhcing danin ki ngaihsun mawk hi. South Korea ah tukum sung pasalte kizep /kipuahna leina sumbei pen GBP 544.5 million bang pha hi.
Korean tangval ten limlang maiah hun sawtpi zang uh hi. A mai uh a mam nangin make-up tuam tuam nuh(zut) uh hi. A mitmul natawm uh numei sia mah bangin eyebrow tawh khauhsakin tangsak sitset uh hi. Amau ngaihsutna ah sianthona leh kizepna in kimaun ngamna piangsak thei ci. Pualam kilatdan thupi ngaihsut mah mah uh hi. South Korea pen pasal thuneihna gam ahi hi. Pasal te adingin kumnih sung galkap tum a kuulna gam pen tu in leitung Make-up khuapi suakta hi.
Nikum sung South Korea pasal ten skin care tawh kisai lei nangin GBP 305.6 million(USD 495.5 million) bei uh hi. Tua pen leitung bup pasal te skin care leina za ah 21(21%) cingzo hi. Hih pen global Market Research firm “Euromonitor International” te muhkhiat ahi hi. Tua manin South Korea pen leitunga Men’s skin care market lian pen in kiciamteh hi. Ahizongin South Korea ah pasal 19 million bek om uh hi.
Amorepacific, South Korea a cosmetic Company lian pen in tukum South Korea ah pasal cosmetics kileina GBP 544.5 million(USD 885 million) pha khin ci uh hi. South Korea ah numei hi in pasal hitaleh kizep kipuah thupi ngaihsut uh hi. Numei ten zong pasal kizem sitset pen thupi muh uh hi. Korean Air te bangin kum khatin khatvei pasal flight attendants te adingin class bawlsak zel hi.
Make-up zat leh zatloh pen kilamdang lua hi. Tua ahihmanin South Korea pasalte nangawnin cosmetic bawm khualak ah keng zen uh hi. Australian National University a Korean Studies Head Ronald Maliangkay in a gen danin South Korea ah “pasal melhoih pen lawhcinna khat in ki ngaihsun” ci. Amau society ah first impression ki thupi ngaihsut hi. Tua bek tham lo in “appearance is powerful” ci ngiat uh hi.
South Korea te pen kizep kipuahna lamah etteh tak mah mah uh hi TV/movie khawng en leeng siangtho in smart thei mah mah uh hi. A pasalte uh zong a mai uh numeite’ maim ah bang phial hi. Nidang in eimi ten ki naak zep luat pen pasal vai kei khawng kici ngei hi. Ahizongin numeite bek hi lo in pasalte zong siangtho tak leh smart taka kizep sitset ding hoih hi. Korea te nasepna, sang leh interview na khawngah a pai ciangun make-up zang lo in pai ngei nawn lo uh hi. Pau Tun Thang
Comment piaknop aomleh...