New Zealand Prime Minister in kakhawlding ci’n genkhiavat

New Zealand Prime Minister in kakhawlding ci’n genkhiavat

New Zealand gamsung ah Prime Minister kum 8 sungbang asemkhin ahi John Key in kanasep kakhawlding ci’n genkhiavat cih BBC pan kiza hi. PM panin akhawlsawmna ahang ahihleh innkuansung hamsatna vaikhat hang ci’n genkhia cihi.

“Khensatna kaneih khempeuh lakah ahamsa penpen hi” ci’n PM panin akhawldinglam nehno kawmsa in genkhia a, mailam ah bang kasemdiam cih genthei naikeng cihi.

John Key pen gammakai minthangkhat hi a, akhawldingvai pen ama ii mimal khentatna hi cihi. Ahi zongin Media pawlkhat in kum 32 aphakhin ahi azi Bronagh tawh innkuansung nawngkaina aomman ahidiam kici a, amanbel hilo ci’n nial kici hi.

Bangbang hileh hongtungding 2017 kumciang in Term 4 na dingin kaki thawinawnkeiding ci’n genkhia hi.

Adang makaithak akiteelkik mateng in Deputy Prime Minister Bill English in PM ii nasepteng zomtosuak photding cih kiza hi.

PM John Key in Weekly Press Conference ah akhawldingvai agenkhiatvat “Surprise Announcement” hi a, hongtungding December 12 ni ciangin Formal Resignation bawltaktak tading cih kiza hi.

More: Taiwan President in Trump ahopih manin China ah thangpai

Italian Prime Minister Matteo Renzi zong PM nasep panin khawlding cih kiza hi. Tukumsung nungdiak mahin David Cameron zong PM panin khawlgiaplel hi. Asemsuak dingin akideih gammakai pawlkhatlah khawlgiapgiap uh a, akideihnawn hetlo ahi Korea leh Malaysia te ii PM tepawllah mipi in bangzahta lungphona aneihneih uhhangin khawlsawmnai hetlo uhhi. ZD Sawltak #zomidaily