Peru gamah Passenger Bus khat tuahsia in, mi 48 sikhin, mi 6 liam

Peru gamah Passenger Bus khat tuahsia in, mi 48 sikhin, mi 6 liam

Peru gamsung ah khualzinmi apua Passenger Bus khat kendangah kiasuk in, atawmpen mi 48 peuhmah siding hi ci’n Reuters te’n pulakkhia uhhi. Tua Passenger Bus pen Truck mawtawpi khattawh aki maiphutkhak uh hi a, tuaciang in kendang ah kiasuk in, anuai ah tuipisung atusuk ahihi.

Hih tuahsiatna apianpen Tuesday ni hi a, Peru gam ii Capital khuapi ii leilulam aom Highway khatah atuahsia ahihi.

Atuahsiatna lamzikpi pen Panamericana Norte Highway kici a, Pacific Coast tuipinawldung aom Pasamayo Area sungteng ah atuahsia ahihi.

Hih tuahsiatna panin misi pen aki zakmasakna ah mi 36 si kici a, tuakhitzawh ciangin asi kibehlap in mi 48 phatota hi ci’n Local Fire-fighting Company khatpanin Representative asemlaitak ahi Lewis Mejia Prada in genkhia hi.

Video: Death toll from Peru bus crash rises to 48 – emergency services

Peru Police te’nzong Tuesday nitaklam in asi pen mi 48 ah ki behlapto hi ci’n pulakkhia uhhi.

Hih Passenger Bus atuahsiatna ah mi 6 bekbek suakta uh a, tuatezong liamngawh mahmah uhhi. Kumpi thunei te’n tua asilo, aliamte pen aphualzang ah amanlang in Emergency Medical Services te delhsakpah uh a, zatui kibawlpah uhhi.

More: Malaysia, Rawang vengsung ah Bus tuahsia in mi 20 liam

Peru gamsung ah lamzikpi Highways tepen Safety ommello ahih manin, tuahsiatna Accident pen apiangthei zelzel ahihi. Hih tuahsiatna vaitawh kisai in athu akician in Peru Police te’n hoihtak kankhiading uh cih kiza hi. Sawltak #zomidaily