Mi a tamzaw te biakna zondan ~ Pu Thang Siangh
Leitung ahihmah bangin, mihingte lungsim zong a tuam ciat ahi hi. Poltic tawh kisai utdan kibang lo hi. Business lam zong sepnop kibang lo hi. Biakna zong Tua bang mah ahi hi.
Tutung a ih kikup nop biakna ahi hi. Khangthak ten bel vantunggam kha aading mah Ci uh hi, Khangham lamsang in sihna ih tuak hun ciangin Hong gui ding , hong uap ding ding cih hipi pen hi.
Biakna khauh pai ngialte in kha aading ahihleh bangbang hi leh poimawh salo uh hi. Gupna sukha pen thuzuih na gamtatna hia adangdang te kisam lo hi.
Vantungah, Hauhna ki keng lo hi. Zaletna keng lo hi. Khuthawmin kisuak aa, khuthawm kipai khia hi. Khamsingkuang tawh ih kigui zongin lei suak hi. Puan hoih namkim kengin a dumakang na kituun zong lei suak hi.
Covid-19 in leitung ngeina khempeuh lumlet hi.Mihau ten amau neih mipi maitangah lak thei nawn lo hi. Mipi a lomin om thei lo hi. Mihau site zong a zawng si bang lel,hi.
Kipumkawi in Ngaihna a kilak thei nawn lo . Khut kilet tangin khut kilapsan lel hi. Kunin zahtak piak hong kilawm zaw ta hi.
Nidang in migilote leh gutate in muktuam hi. Tuhunin mihoih te thuman mite in muk tuam uh hi. Pulnatna in civilization khempeuh leh culture leh economic khantohna khempeuh lumletin susia mang hi.
More: Leitung minam khempeuh utna Gam ~ Thang Siangh
Kumpi lian gam lian te zawngkhal sak hi. Khalam pai zia nangawn biakinnpi pansanin kiseem thei lo hi. Mikhempeuh Sia suak khin hi. Leii khempeuh in teti pang hi. Leitung bei kuan ta hi. Thungetna hahkat ni. Nasansa thuman leh upna khah suah kei in. Pu Thang Siangh
Comment piaknop aomleh...