Tulaai Leitung Thuthang Tuamtuam Updates (Sep 20)

Tulaai Leitung Thuthang Tuamtuam Updates (Sep 20)

Zomi Khat in Bronze Medal ngah
US gam Maryland Khuapi ateeng ahi Pa Thomas On Suan Mung in US Kumpinaseem te akipia lak ah asaangpeen Bronze Medal Award September 19,2017 ni in ongngah ahihman i angtang mahmah hi. Sia pa peen US Federal Gov sung ah naseem hi a Zomi te sung hibang pahtawina angah masapeen zong ahihi. FB

Zousan-3 thumte UN Zumpi ah

September 20,2017 ni in UN Zumpi New York ah Zosuan sungpan Pu Hau Do Suan,Pu Henry Van Thio te Kawlgam ai awh in kah uha,UN Zumpi Geneva ah Pu Hau Khan Sum Kawlgambup aitaang vakah thei uhhi.Pasian in Zomi te onglapsanna khat ahihman in Topa min iphat hi.

Mexico ah Misi kibehlap

Mexico gam September 19 ni zinlinna hang in Mexico Khuapi ah September 20 niciangciang misi 225 cingtota a kibehlaplaiding kizongsaan cin thuneiten gen uhhi.Hih zinlinna hang in Inndangdang akihelnaailo Sang Inn bekbek 2,224 kicimzen hi. USA TODAYS

President Trump kigensupsup

US President Donald Trump in September 19 ni UN Khawmpi ah a utteng vagen in hanggawp a North Korea Leikhamaangpi pa Kim Jong Un “Rocket Man” cih min aphuahsak lailai ahihman in US Kumpi buangding in naupang vaaisi cin Media tuamtuam ah September 20 ni in kigensupsup hi. Rocket Man acihlaitak bang in US Ambassador to UN Nikki bang nakaangvat in aveihtehdektak leh kilawm hi.CNN

Suu Kyi in Gaalpi tuak

Pi Suut Cing in Rakhaing gambuainatawh kisai taangpi taangta zaak in taangkona September 19 ni neikhia Leitung gamtuamtuam pan Palaaipi te in Rohingya vaai bang ongentam ci in bengphah dide sa in angaaklaaitak Lawmnun Bangali Muslim te cihziau ban ah Bangladesh gam a taite zong kantel ding Kawlgammihihna aneih uhleh samkikding cihciang genziau ahihman in gamdang palaaite lupeisa in ciahkhia phangphang uha, tu in agamgam pan Daw Aung San Suu Kyi akipia miphatna te dinkhawl in laakkiksawm ngeingaita uhhi. The Guardian

North Korea Leikhamaangpi kitomkikta

September 19,2017 ni UN Khawmpi ah US President Trump in North Korea Leikhamaangpi Kim Jong Un minthakkhat vawh in Rocket Man acihban ah Huihthaupi tawh nasiatak in kaap ahihman in September 20,2017 ni in North Korea gamsung Media pan Kim Jong Un in US gam leh US tawh akimeemat khan gamkheempeuh vut le saai suaksakding cih kakhensat tawpna hita a ahunkitheilo ready ta ci in tangkokhia hi. September 23 ni Rapture ding acihbang uhtawh kinaaizaw zen ei. NBC NEWS

Hurricane Maria huihpi

Atlantic tuipi sung pan ongleetkhia Hurricane Maria kici huihpi in September 19 nizam Domenica tuikulh khua nawkto a mi-7 si uhhi. September 20,2017 ni in US gamkee khat ahi Puerto Rico khuasung nasiatak in nawkto a nasiatak in men kicimzihziah in Inn le lo Tampitak kisia hi. Tuciangciang ahihleh misiliang kizanaailo phot hi.CNN

CNA leh AA kikap

September 14 Zankim pawl in Chin State nuailam a kibusa Arakan Army-AA leh Chin Gaalkaap CNA te zukhamkawm kikaapgawp uha AA gaalkaap 20 si in CNA te mi-3 si mi-7 liam uhhi. Matu Daily Khawm Pau