Malaysia, Subang Jaya ah Gas puakkham in mi 8 nakliam mahmah, Myanmar kihel

Malaysia, Subang Jaya ah Gas puakkham in mi 8 nakliam mahmah, Myanmar kihel

Malaysia, Subang Jaya vengsung aom vankholna Warehouse khatpan in Gas puakkham ahih manin, mi 8 liam cih kiza hi. Tuni Thursday zingsanglam in apuakkham cihi.

ChinaPress te genkhiatna ah Liquefied Petroleum Gas (LPG) pan kehkhia in, apuakkham ci uhhi. Hih Gas puakkhapna hangin mi 8 nakliam mahmah uh a, avun kokgawp in, cikziak huai mahmah hi.

Hih apuakkham Warehouse pen Subang Jaya, Jalan Subang 10 sung aom aminthang mahmah Food Chain khat ii vankoihna Warehouse khat kici hi.

Tuzingsang 8am hunpawl in gamdangmi nasem “Foreign Workers” pawlkhat nasemin Warehouse sungah aomlaitak apuakkham cihi. Aliam te lakah mi 5 tepen nakliam phadiak in apumpi uh 80% bang meikanggawp hi.

Aliam te lakah khatpa pen huaisia phadiak in, akhutteng avun kokkhia, zulkhiagawp in, kangdelhdalh lianghi. Aliam te lakah mi 2 tepen phadawm zawdeuh in, adangte pen limliam, limkatthei mahmah uhhi.

Ageinai aomkha, amukha Witness te genna ah hih Gas pukkham cih katheih, kazak uhciang in ahuhding in aphual ah kadelhpah uh cihi. Firefighter tezong Minute 15 khitkhawng ciangin aphual ah tung uh a, Gas paikhiat theihna “Gas valves” teng khakcip uhhi.

Aliam gamdangmi nasem tepen Myanmar leh Nepal Nationals te hi a, kum 21 panin kum 30 gualpawl ci uhhi. Tua aliam nasem tepen Serdang Hospital ah Emergency Treatment kibawlding in kipuak uhhi.

NST te genkhiatna ah hih Industrial Gas Tank pen Building ii First Floor aom Kopitiam Chain khatpanin Soup ahuanhuan laitak in apuakkham ci uhhi.

Tua sungah nasem tepen Experience aneikhin, kumkhatval vive asemkhin kici hi. Kopitiam Chain te’nzong Hospital panin kanasem te uh bangciciang hita cih Workers’ Condition ka ngakngak laitak uh hi a, tuapan in a innkuanpih te ki zasak dinghi ci’n genkhia uhhi.

Related: China, Hangzhou City aom Restaurant khatpan Gas bung puakkham in mi 2 si, 55 liam

Myanmar Nationals kihel cimawk ven, Kawlgammi kuateng ahimawk tammaw? Gas Cylinders, Gas bung puakkham cihpen tunaiciang kinawhzak simsim hi. Gas bung apuakkham aomnakleh asi ahih keileh aliampen kiza tawntung ah lauhuai, dipkuat huai mahmah hi. Gas Cylinder azang khempeuh in kidop siamding thupi hi. Sawltak #zomidaily