Telsiam ding thupi ~ Tedim Municipal

Telsiam ding thupi ~ Tedim Municipal

Tedim khuamite naungek nawi nelaite tawh ki bang hi. Thuhoih i sak leh vandawn thawn in i phat aa, thusia i sakte ek khanam zen in i kosia gawppah lel hi.

Thudikmaw, diklo cih zong kantello pi’n ei aituam muh bang mipi’n a mukhialh ding deih in i ngaihsutna teng peuh lai in i at zelzul in. A at pa/nu tawh lungsim kibang ten bel na Amen sam uh hi.

Kumpi thukhun, Sinpi thukhun ombang lian in thunei ten hong kalsuanpih leh a zuizo ding omtuanlo hi hang. Sipin thukhun sungah khuapi sungah ak,ui, vok –etc- cihte kikhawi theilo hi.

A khawinuam tantan te’n khuanawl lam ah khawi ding, ahih kei leh khawi theihna ding phalna license a kisam ahi hi. Zo ngeina leh Tedim khuamite lungsim, ngaihsutna thuklua ahih man in thukhun om bang kalsuan leng thuneite a ding in baih zawnapi, mipi a zuizo ding omtuanlo hi hang.

Hamsa Pen

Leitungah Kawlgam pen phiangsiah (Tax) don a hamsa gam khat in kiciamteh aa, Kawlgam sungah Zogam Tedim khuapi pen a hamsa penpen khuapilian khat ahi hi.

Falam, Hakha, Mindat, Matupi te lak-ahTedim aa phiangsiah (Tax) ki dong pen a tawm penpen ahi hi. Matupi bang-ah kumkhat ai ding tuisum 20000Ks kila aa, Tedim-ah inntui late kumkhat ai 10000Ks bek kila in, inntui lalote 4000Ks bek kila hi.

Inntui lah lalo bang hang sum kila veve c’in a tello om thei khading Sipin huang (area) sungah om in tui i neek nak leh kumpitung asap i piak kul.

Falam, Hakha te ah sumbuk lian zawdeuhte kumkhat ai phiangsiah (Tax) 200000/ 300000 Ks bang la uh aa, Tedim-ah sumbuk liante-ah 30000- 35000Ks bek kila.

Mite ngaihsutna leh ei ngaihsutna kikhai mahmah ta. Ei Zomite bel thuhoih pen a ki geel zong a langpan nuam ki om tawntung.

Midamlo/ micinglo(ဒုကၡတ) mikhat bek a omte zong phiangsiah(Tax) ki dong samlo hi. Khuasung-ah sumngetna lai (ဆင့္စာ) hong hawmte pen Tedim khuabup inn kim hongpai ahih man un inn khat-ah nai khat valval thu i dot ciang a vai uh tampi kisia hi.

Phiangsiah tawh kisai gencianna kibawl zelzel hi tua munte-ah deih bang ki dong thei hi. Zum-ah vapai in zong i lungsim aa omthute siangtak in kigenthei thamlo in ngaihsutna hoih (အႀကံ) zong kipia theihi. Tuhun pen mipite deihna bang kalsuan hun ahi hi.

More: Taingen leh Tedim kikal mawtaw lampi ~ Khup Khan Thang

Tualo tapkual/tuipigal khat pan deihsial in na phunphunnate uh hongbuaihpih manlo ding hi ungh.Sipin nasemte buai tawntung uh hi. Tedim Municipal