Ki itna in midang muhdahna hilo ~ JK Kam

Ki itna in midang muhdahna hilo

1) Minam itna in namdangte muhdahna hilo hi.
2) Gam itna in gamdang ten noplohna hilo hi.
3) Pau itna in paudang pau noplohna hilo hi.
4) Pawlpi mi itna in pawldang tawh nasep khop theihlohna hilo hi.
5) Pawlpi itna in pawldang tawh biakpiak khop theihlohna hilo hi.

6) Kipawlna itna in kipawlna dang thusip lohna hilo hi.
7) Beh itna in behdangte muhdahna hilo hi.
8) Ei innkuan ki-itna in innkuan dangte tawh kisiatna hilo hi.
9) Zomi itna in namdang tawh kithuah theihlohna hilo hi.
10) Ei ki-itna in midang muhdahna hilo hi.

Ahih hang;
1) Pasian itna in Satan hong mudah sak hi.
2) Thuhoih itna in thusia hong muhdah sak hi.
3) Thuman itna in zuauthu hong muhdah sak hi.
4) Ki-it ding utna in kimuhdah ding hong utlo sak hi.
5) Ki thapiak ding utna in ki langpan ding hong utlo sak hi.
6) Ki panpih ding utna in ki-el ding hong utlo sak hi.
7) Kipumkhat ding utna in pawltuamsat ding hong utlo sak hi.
8) Kithutuak ding utna in tangpek ding hong utlo sak hi.
9) Kipahtoih ding utna in kigensiat ding hong utlo sak hi.
10)Mipi khualna in aipengvai hong nunun sak hi.

ITNA (hoihna) in anam akibangte omkhawm sak thei lel a,
anam aki lehngatte helkhawm lo in khen sinsen hi.