Trump in US President kiteelna ah Russia in DNC te Computer suamsak mahhi cih thukimta

Trump in US President kiteelna ah Russia in DNC te Computer suamsak mahhi cih thukimta

Jan. 8, 2017: Zan in US Presidential election hun ah Hillary kiat theihna ding leh Trump a gup theihna dingun Russian intelligence ten Democratic National Committee (DNC)-te computer hack (cyber attack) sak mah hi cih US intelligence agencies thum – CIA, FBI leh NSA in pulakna nei uh a, US President cing thak Trump in Russia in DNC computer networks sung lutsak (breached) mah a, ahih hang ken tua hangin ka phattuampih beek kei hi ci hi.

Trump in a beisa in UN intelligence agencies-te Iraq ah Saddam in a neih lohpi mi lom thah theihna ding galvan (WoM weapons) nei hi ci-in Iraq simsakte ahih manun a thugen uh uphuai lo a cih manin a kal uh-ah kitelsiam lohna lianpi piang man hi.

Trump in Russia, China leh gam tuamtuam ten US in i cyber infrastructure vanzatte hong suamsak sawm mun mahmah uh a, ahih hangin vote kikhiatna ah Russia in DNCte’ computer a suamsak hangin voting machines-te ah lut lo uh ahih manin bangmah ka phattuampih kei hi. Russia, China leh gam tuamtuam ten Republican National Committee (RNC) zong hong hack sak sawm uh a, ahih hangin RNC in a dalna van “hacking defences” kici hat mahmah kinei ahih manin hackers-te lut zo lo uh hi ci hi.

Hih DNCte computer a kihack sakna pen zan in Director of National Intelligence James Clapper, Central Intelligence Agency (CIA) Director John Brennan leh Federal Bureau of Investigation (FBI) Director James Comey in thusim (classified) a ngahte uh Trump kiangah tam lo va pulak (declassified brief) uh hi.

Clapper’ zum in declassified version a muhte a genna ah Putin in Trump a cin theihna ding deih ahih manin Putin leh Russian government in Trump a cin theihna dingin mi tampi thapia (inspired) uh a, Russian intelligence-te kolh dingin thupia hi ci hi.

More: 2007 – 2012 ZYA nasepna ~ Sia Kham Sian Pau

Hih thu pen agencies thum ten thumkim uh a, CIA leh FBI in Putin leh Russia kumpi in Trump huh hi cih upna leh muanna sangpi (high confidence) neih uh a, NSA in bel lah nial lo, lah thukim veve in um khin lua lo (moderate confidence) hi. Source: The Hindu/ Thang Khan Lian