Tulsa Khuapi a ki bawl Youth Reunion Free Concert 2014 Video te

Tulsa Khuapi a ki bawl Youth Reunion Free Concert 2014 Video te

It leh ngaihbel teng, Abeisa Dec 29,2014 ni-in Tulsa khuapi ah kumsim a kibawlden ahi Zomi/kawlmi khangno te ki lawm tatna tawh aki bawl Youth Reunion Free Concert Video te alunglut te adingin ong khah khia ung.Zomi te sung ah khangno lasiam,tumging tumsiam tampi ki om a, ahi zong pawl khat te pen Lovesong (Itna ngaihna la) bek asa zong omin,tua te in biak inn khawng ah lasa sak ding mun ngahlo thei hi.

Zomi te in Concert i bawlbawl hangin asa ngei teng mah,atum ngei tengmah hidenin,khangthak tampi tak te in munngahlo ahih manin tua te ading ngaihsut kawmna leh asiam sa te tawh ki thuah a,khat leh khat ki pahtawina,ki pat tah nadan in a ki ngaih sun ahihi.

Tutung Concert ah Music Ban 4 in tumin la dawng 19 bang ki sa a,tua sung ah adiak diak in Zomi sungah Lasiam minthang ahi,Kam,Nu Toih, Idol Cinpi,Solamon Tuang…… leh Zomi lasiam tampi te in ong zai ziahziah uhhi.

Tua hun sungmah in Pastor Thang Min Lian leh Pastor Pau Tul te in Pasian thu tangko na ong nei-in thu gen lah zak nop kisa,la sa te lah siam ki sa thei lua mahmah in tawm vei sungin hun bei tawh ki bang in,Pawisim mipi te’n tutung Tulsa Zomi Concert ki bawl lak ah anasia pen leh ahunmaan pen hi inteh ki ci-in nuamsa lai pipi -in inn lam ki zuan kik ciat hi.

Hih pawipi ongpian theih na dingin Hosanna Ministries leh Youth Reunion Free Concert te in,inntek semin, OK Asian Market (Pa Sing pi te innkuan)in abei khempeuh ong sik ahih manin,nakpitak in i lungdam a,asup abai na khempeuh Topa’n azah tampi in ong thuk kik sak ta hen.Tua ban ah lasa te,Music Band te pawi sim ongpai mimal kim leh agim atawl mimal kimte tungah na vekpi un lungdamong ko ung.

Video te etna ding in anuai a lim na mek in or http://www.thawngkimhosannaministries.com/yrfc2014.html Youth Reunion Free Concert Media pawl, Tulsa,OK, USA