China ah sangsia “kindergarten teacher” khatin sangnaupang athumanglo te daan apiakna in zatuisutna phim tawh dawtzeuhzeuh ahih manin kiman cih SCMP News pan kiza hi. Local Police te genkhiatna ah tua sangsia pen liausum 500 yuan ki liausak cihi.
Tua kindergarten teacher ii aminpen Shen kici hi. Noah Paris Metropolitan Kindergarten ah thupiang hi a, sun ipmuhsak hunciang in a ihmu nuamlo te phim “Needle” lakin lauthawng sak hi.
Tuaciang in alaulo sangnaupangno te phimtawh ataw sutsak hi. Hih Kindergarten sanginn pen Zhejiang Province sung aom Tongxiang khua aom ahihi.
Sangnaupang athuak khate ii anu apa te’n atate ataw ah asan akidawtdan amuh ciangin hihthu ki theikhiapan cimawk hi.
Tongxiang Police te genkhiatna ah Teacher in phimtawh asunbek hisam a, bangmah asa sungah sutsaklo cihi.
Tua sangsia Shen pen ni 10 sung kimanin ki kemcip a, tuakhit ciangin Yuan 500 kiliausak in ki khahkik cih kiza hi.
Hih Noah Paris Metropolitan Kindergarten sungmah ah sangsia asem adang mikhatzong muanmawh om ahih manin Police te’n thusitna neidikdek uhhi. Ahi zongin tua sangsia khatpen in zatuiphim tawh asutleh sutloh pen Education Department te’n genkhialo uhhi.
Related: China ah acitak naupang khatin sangkah nading pahtawina sum 10,000 ngah ~ ZD
Hih Teacher Shen ii liausum pen tawm kisalua in, Social Media tungah hihthu atheikha, amukha te hehthei mahmah uhhi. Chinese Yuan 500 cihpen US$73 tawh akikim hi a, hihzahbek liausak pen tawmlua ahih manin, hihbangin gitloh gamtatna pen omkik zelzel khading hi ci’n ki Comment ngeingai hi.
Kindergarten ah akah sangnaupang tepen kum 3 panin kum 6 kikal hihamtang hi. Hih naupangno te amau ii asungpan apiang atate uh hileh tuabang in zatuiphim liangtawh sut hetlo khading uhhi. ZD Sawltak #zomidaily
Comment piaknop aomleh...