Asbury Theological Seminary leh Kentucky tethu atom in
Asbury Theological Seminary leh Asbury University te Wilmore khuapi Lexington Kentucky ah 1923 in kiphutkhia hi.
Kentuck thu:
KENTUCKY minpen “Kentucke, Kaintuckee, Cantuckey” tepan in akipuah toto hi a, tua ikhiatna in “meadowland” or bluegrass land “lopa nimdildialgam” cihna hi.
Atengmitepen Iroquois ci-in tanglaipekpan in kithei hi. Iroquois cihpen minam ngate kigawmna hia, tuaminam te in Mohawko, Oneidas, Onondagas, Cayugas leh Sececas te hi uhi. N. American Indian zongki ci hi. Kentucky pen Sakol-gam kici liang a, lopa nimdildial telah ah Sakol hoih omzihziah ahihman in US gamsung ah tuabang mun omlo khading hi. Leitung muntuamtuam pan in Sakol taikidem (Horserace) dingin Kentucky ah hong paizelzel hi.
Amin thang vangvang ahi´KFC (Kentucky Fried Chicken) Harland David Sander (1890) in 1930 pawlin hongmu khia a tuni tan Leitung gamtuamtuam ah KFC minthang mahmah hi.
Biakna:
Mundang state (US) tesangin evangical thu-ummi tamzaw a, Biakinn tezong nasia takmah in kilam hi.
Laisiangtho sanglam ah cileng Sang minthang Asbury leh Southern Seminary te om a, hihte pen evangical upna mahtawh apaite ahi uhi.
Asbury Theological Seminary thu:
Francis Asbury kicipa upna lam ah akhauhmahmah leh mission nasep na lam ah ahahkat mahmah mikhat hi a, tuhun ciangin John Wesley for America kici liang hi. Mitamlo tawh 1923 in Asbury kipan a tu-in international student 100 val kum simin omden hi. Southern Baptist tawh kinai mahmah napi bang kibat lohna nei hiam ci a, ka dotciangin professor khatin honggen na ah, Southern Baptist seminary te in Numei te pulpit tungah Pasian thugending phallo a, Asbury inbel Numei hita leh Pasal mahtawh kikim in Pasian nasem theihi cih pom hong ci hi.
Southern Baptist tepen John Calvin Theology (predestination) khauhtak in pom a Asbury Seminary in ahihleh Pasian gupkhiatna pen mikhempeuh (Free will) ngah they ding cih pom uhi. Free will cihnopna pen Pasian hehpihna in deidan neilo a Zeisu a umkhempeuh (a vom akang) Vangamtung ding cih na hi. Predestination upna cih ciangin Pasian in a teltuam mitebek gupna ngahding cih (atom in)na hi.
Pau Do Lian
CellPhone #857-200-6388
Comment piaknop aomleh...