USA, Nashville pan Lia Ning Khawm Ciang (Buanli) in hongnusia

USA, Nashville pan Lia Ning Khawm Ciang (Buanli) in hongnusia

Mangpha Lia Ning Khawm Ciang @ Ciang Boih (Kum 11) – Buanli khuami Nashville,TN USA aa ateng Pa Kap Za Cin leh Nu Cing Nuam Kim te tanu u pen Lia Ning Khawm Ciang @ Ciang Boih in abeisa June 12, 2021 in sunglam damlohna tawh hongnusia chih thu izak man in ZIUSA kipawlna mintawh dahpihna i pulak hi.

Ciang Boih pen Zomi te kipawlkhopna Zomi Innkuan Tennesse ah member khat leh ZIUSA Genvai member pom ni 10/31/2016 pan active member khat ahih manin thumeilet bylaw zuiin (100%) Death Benefit $15000 kipiakhia dinga paakkual $150 man khattawh zong mangpha khakna kinei ding hi.

Ciang Boih luanghawm tawh anunungpen hunzatkhop ding hong tungding Wednesday June 16, 2021 in Zomi Pentecostal Church (UPCI) makaihna tawh,Spring Hill Funeral Home & Cemetery ah 10am in Funeral Service bawl khit ciang Rev.Michael Lian in han ah vuina nei ding hi.

Ciang Boih hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)