Thai kumpi thunei te’n $29.4 million manneiding vankham mankhia

Thai kumpi thunei te’n $29.4 million manneiding vankham mankhia

Thailand gamsung ah guihtheih khamtheih vankham Drug bekbek 700 million baht (S$29.4 million) manneiding kimankhia a, vankham akimankhia lakah atampen “largest crystal methamphetamine” hi ci’n Thai Police te’n zanni in genkhia uhhi.

UN inzong “Golden Triangle” kuamsung panin apiangkhia vankham Drug tepen South-east Asia sungteng ah kitheihzak in kilimzat mahmah hi ci’n genkhia uhhi.

Golden Triangle akici pen Thailand, Myanmar, Laos gamthum akituahna kuamsungteng akilawhna hi a, tuakuamsung panin guihtheih khamtheih vankham “ice” akici pen kinak bawlkhiat mahmah hi.

Thailand, Chumpon Province sungah March 28 ni in Methamphetamine kici vankham bekbek 700kg tak ki mankhia a, tuate pen Malaysia gamsung ah akipuaksawm hi ci’n Police te’n genkhia uhhi. Tua Drug tawh kizom in Malaysian gammi 2 leh Thai gammi 2 zong kimanpah uhhi.

Methamphetamine pen aki zuakkhiatna Market zaisemsem in, East leh South-east Asia gamsung tengah kizelmang khinta hi.

More: Thailand, tuipinawl piaudung 24 te ah zatep kikham cipta

Thai Police te’n March 25 panin April 1 kikal amatkhiat uh vankham Drug tuamtuam te zanni in Bangkok, Government Compound ah lahkhiatna nei uhhi. Tualak ah Cocaine, Cannabis, Ecstasy cihbang guihtheih khamtheih Drug tuamtuam kikhel hi. Sawltak #zomidaily