Hong Kong meileng sungah meikang, mi 17 liam

Hong Kong meileng sungah meikang, mi 17 liam

Hong Kong gamsung aom MRT meileng sungah zanni Friday (Feb 10) ni in meikang a, mei ahalding in aki ummawh khatzong Police te’n mankhin uh cih AFP pan kiza hi. Meileng apaipai laitak in asungah mei kihal hi a, tuaciangin Tsim Sha Tsui Station ah kikhawlsak cihi. Video aki Record kha pawlkhat sungah mikhat apuanteng meikuanggawp in Platform tungah kipei laulau hi. Agei aom mipi te’nzong meiphelhpih in buai ngeingai uhhi.

Meileng sungahzong meikuang nasia mahmah a, meikhu tawh kituamcip hi. Meikat kipatlian pen Local Time 7pm hunpawl ci a, Admiralty Station leh Tsim Sha Tsui Stations kikal ah atai laitak ahihi.

Fire Officer khat ii genkhiatna ah tuciangciang akigenkhia theipak ahihleh mei akuanvatthei “combustible agents” khat meileng sungah kihal hiding hi ci’n Reporters te tungah genkhia hi.

Government Spokeswoman khatin agenkhiatna ah mi 17 liam in, tualak ah mi 2 pen gimmahmah uhhi ci’n genkhia hi. Mei ahalding in aki ummawhpa pen apumpi tungah mei limkat mahmah a, meikhu hoihlo Fumes tampizong dikkhading cihi.

Hih meikatna ahangpen kum 60 aphakhin Cheung akici khatpa in keilehkei aki hallupsawm hi ing ci’n palik te kiangah genkhia cihi. Kumpi thunei te’nzong hih meikangpen mikhatguak ii gamtatna hizaw khading a, migilo ngongtat Terror tetawh kizop khakna omloding ki ummawh ci’n genkhia hi.

Amahleh amah aki hallupsawmpa hangin meileng sungah buaina apiang hiding in ki ummawhpah a, tuapa pen zato ah akipuakkawm in thudotna kinei hi. Ama mimal hamsatna, buaina khatpeuhhang hihtuak kici a, ahi zongin hoihtak ki hopih theilo ahih manin, athu ki theicianlo cih kiza hi. ZD Sawltak #zomidaily