Rev Dr Thang Cin Lian’ vai
Member million 2 bang anei ahi Kawlgambup Tuiphum Kipawlna (MBC) i lungtangpi dinmun ahi GS mun ading in Rev Dr Thang Cin Lian tuciangciang telcing lai ahin man in ih lungdam tek hi. Thungetna kisam lai kiukiau hi. Bhh cih leh;
MBC i GS panmun a tuding khat in MBC ngeina leh tawndan om bangin kalpi 3 akantan kul hi. Tuate pen;
EC – BM (Board of Management) leh Trienial/GM tuateng 3 ah atelcin leh bek GS dinmun atung taktak ding ahi hi.
Tutung a pen ah Sia Lian in EC leh BM kantan khinzo a Trienial omlai hi. Trienial pen tuni leh zingciang ding hi a tuni tua thu lut nailo phot ahih man in zingteh kitel taktak ta ding hi.
Chin State pan in MBC ah GS asem ngei Rev Dr S Pau Khan En bek omngei pan a tutung anihna ding Sia Lian ong hiding in ih lam en mahmah hi.
BM ah Chin te’n bel asiamtawp in na khaktan uh hihtuak hi. Aizong Sia Lian telcing phot hi. Trienial ah hong sihpan lai ding uh cih pen theihsa ahi hi. ZBCM hong piankhiatna hel zong tu a dan teng hang mah ahi hi.
Mi’ hazat khop in Pasian in Zomite a Maipha hong pia ahih man in lungdam mahmah hang. Bangbang hi leh itna mah tawh thupha mah paih tanghtangh laiphot ni e maw.
Tuzan sung deihtak thungen tek lai ni ei mataw.
Zomi te ih siam a Pasian’ Maipha ih muh nak leh MBC tawh ki level hak nawnlo ding hi hang.
TBC, KVBC, ZBCM hih teng ih kigawm kik nini in Zomite minampi ih suak peelmawh ding a kawlgam tuiphum sung ah ih golpen lian ding hi.
Sian Aw Lum Bang Hong Sung In
Genkhialh a om leh ngai dam
Note’ itna sungah
(Mung Laan Thang)
Zangkong
Comment piaknop aomleh...