Golden Gate Bridge :: Golden Gate siikkhau leiipi a kilamma in ferry bekbek tawh Marin County lam ah akigalkah hi. Leitungah akinawh penpen mitam paina penpen ferry in minthang mahmah hi. Golden Gate Ferry Company ci in company khat in a bup laak liang ahihi.
Tu a leii kidawhna mun santak pen a kawcikna penpen mun hi a, leii dawhna dingin akilawm penpen mah ahihi. Ahih hangin tua santak tengah tuihual zong hat phadiak, huihtha lah khauh pha mahmah diak in nai khat tai 60 val bang tawh nung thei hi. A tui lah thuk mahmah in 500ft tak thuk hi. Tua santak teng mahah suumpi kai pahpah a kim leh paam khua kimu thei lo hi. Tua ahih manin mipil misiamaa kineite pipi a kuamah peuh inh, tua munah leii lam zawh dingin ngaihsun thei lo in sawm ngam lo uhhi.
Tua kawmkal ah leii lamh kiva mahmah Joseph Strauss in lei ih dawh loh peuhmah in phamawh hi, hih mun tektek ah ken lam zo ding hing ci in thuneite to bawl in tawng hi. Tua laitak in San Francisco Bay Bridge a kilamsan laitak mah hi a, tua Golden Gate leii thak lamna ding akisam sum ngahna ding zong haksa mahmah hi. Tua bang a haksatna teng kawmkal ah kum 1933 ciangin lamh kipan a 1937 ciangin zo siang hi. A lamh sungin mi 12 si hi. Tua laitak mah a kilam San Francisco Bay Bridge ah mi 24 tak si hi.
Mawtaw lampi zing 6 pha a, zing 6 lakah zing 2 leh zing 4 in khen hi. Tua zing 4 leh zing 2 pen zing leh nitak a ciah akuan tawh kizui in kilaihsak den hi. Cihnopna ah zingsang lamin khuapi lam hongzuan tam ahih manin khuapi lam manawh a paite a’dingin zing 4 hong hi. Nitak lam ciangin khuapi sung a nasepna pan a omna inntek uh zuan kik ding ahih manin a ciah lamta dingin zing 4 hong leuleu hi.
Leiitungah kisih bawl a si 2005 ciang 1200 valta a, tu hun ciangin nipi nih simin khatta kisih bawl hi ci in kiciamteh hi. Leii tung a tun ciangin mawtaw hatna 55mph panin 45mph in khiamsukin kihawlsak hi. Bicycle paina ding leh mihing paina ding a nawl tuak ah kikoih hi.
Leitungah maan a kizaih mun penpen leii in kiciamteh hi. US ah siikkhauleii lakah New York city a, Verranazo-Narrows Bridge zom ah a sau pen ahihi. A kilam sawng tengin leitungah a sau penpen khauleii hi napin a sawt lo in kimakhelh pah hi.
Alampa Joseph Strauss statue zong leiibul ah kikoih hi. Leiikhau a paipi nih pen sikkhau zang, zang 2,7572 tawh kihual hi a, a diameter 36.5 inches sah in a khauzangte khuang leng tai 80,000 pha dinghi. Leii lamna akizang rivets tangg 1,200,000 pha hi. Leii tawh kisai a tomin a nuai aa bang hi.
Athu Atom Mahmahin:
- Carries 6 lanes of US 101/SR1 pedetrians and bicycles
- Crosses Golden Gate
- Locale San Fransisco, CA and Marin County CA
- Construction started January 5,1933
- Date of opening May 27, 1937
- Design Suspension, truss arch and truss causeways
- Designer Strauss and Irving Morrow
- Total length 8,981 ft
- Width 90 ft
- Height 746 ft (ie.Tower ht)
- Longest span 4,200 ft
- Vertical clearance 14 ft at toll gates, higher truck loads possible
- Clearance below 220 ft at mean high water
- AADT (Average Daily Traffic) 118,000 (Date taken unknown)
- Toll US$ 6.00(south bound)($5 with Fas Trak)
- Maintained by Golden Gate Bridge, Highway and
Transportation District
Azom omlai…
Agelh: Awn Za Pau
Comment piaknop aomleh...