COVID ka kantan zia – Lungsim cidamna muhzia pan (Passing through COVID – Mental Health Perspective) ~ Lia Cing Van Kim
2020 November kha sungin COVID ka ngah kha hi. Pumpi a gim mah bang, lungsim zong cina hi. Lunghih mawhna (anxiety), lunggimna (Stress), lungkiatna (Depression) le launa (Fear) kithuak kha hi. Tua banah i kiim i pam ah a si/a gim muleng i lung hong kia tektek a, kikiam tektek mai hi. Covid ka thuak sung lungsim cidamna ding ka hih taktak te ong hawmsawn nuam ing.
🍛 An pongman ne (annek hun 8 AM, Sun 12:30 PM, Nitak 5:30 PM)
🛌 Ihmut cimsak (Nitak 10:00PM peuhmah in ihmu, nai 8 cing sak hamtang)
📵 Social media pan thuthang et hun ciangtan (En zel, nikhat nai lang val enlo)
😆 Youtube pan ciamnuih tuamtuam en (Mr. Bean, Mark Angel Comedy,…)
📱 Lawmte 2 peuhmah tawh nisim kiho (Phone, video call)
🎶 Nikhat a tawm pen Pasian’ la dawng khatta ngai, sermon ngai
✅Worship la ah FEMC, Phatna luangkhawm, Elevation, …
✅Hymm la ah EBC Choir le mangla tuamtuam
✅Hymm la in tha hong guan
✅Worship la in Pasian tawh holim le lungsim suahkhiatna hun hoih ong pia
✅Sermon ah JM Paupu, Sia Do Suan Mung etc.
✅Zopau sermon ngai zaw, pau dang hileh i ngaihsutna tawh kigim zaw
👩💻 Nasem lo zaw, naseppih te kiang gen khol in ngen vet
🧘♀️ Hudiik excercise bawl (Nikhat a tawm pen 3 vei)
📖 Lai Siangtho/laibu sim, thungen
📝 Lungsim a suak bangbang gelhkhia
🙏🏽 Thunget pulak (Thu hong ngetpih den prayer partner 2 koih, lungsim ah ka feel bangbang genkhia ing, kah suak teh zong kap gawp ing)
🤗 Thaza le nektheih te a neilo zaw te kiang ah hawmsawn, huhna a kisam teh huh
👩⚕️ Ka dam kik khit zawh lungsim liamma nei ka hih manin counselling zong ka la lai hi.
Hihte pen lungsim cidamna ding ahi hi.
More: Ahi bangin san theihding kisam ~ Lia Cing Van Kim
💊 Pumpi cidam nading nek ding zatui tawh kisai thu na dot nopleh EZ Care page ah siavuan te tawh ei pau in kidong thei hi. Zatui mawk nek kei in. https://www.facebook.com/EZ-Care-101710902113175/
👭👬 Kihuh kipanpih na le tha kipiakna tawh COVID kikantan zo hi. Lia Cing Van Kim
Comment piaknop aomleh...