Philippines gamsung ah zinling in van tampi sia, mi 4 si

Philippines gamsung ah zinling in van tampi sia, mi 4 si

Southern Philippines, Mindanao Island ah zanni Friday (Feb 10) ni in zinling nasia mahmah a, mi 4 in sihlawh in adangzong mi 100 valbang liamgawp uh cih APF News pan kiza hi. Hih zinlinna hangin khuasung innte kicim in van tampi siatlawh a, Electric Power zong ki ngahlo ahih manin khuasung mipi te cimawh mahmah uh cih Local Officials te’nzong pulakkhia uhhi.

U.S. Geological Survey te ii pulakkhiatna ah hih zinling pen ahatna 6.7 hi a, 10km bang thuksuk cihi. Epicentre pen Surigao City panin 13 km aki gamlatna nisuahna lampan hi ci uhhi.

“Pacific Tsunami Warning Center of the U.S. National Oceanic and Atmospheric Administration” te’n hih zinlingna hangin Tsunami zahdongding in lauhuai patauh nading omlo ci uhhi.

Philippines’ Seismic Agency pan thunei te genna ah 1879 kumin 6.9 hatna tawh zinling aomkhitzawh hih zinling pen ahuaisiapenpen hiding ci’n genkhia uhhi.

Khuasung mipi te zan giahnading, lupnading omlo ahih manin ageinai aom pak huan leh belhbukding in akibawltawmpak Shelter Areas te ah omphot uh cihi.

Electric Power aki siatcip banah dawnding tuisilhzong hoihtak pailo cisawnsawn hi. Khuasung kikawmna lamzikte, lei te kicim in Hotel khatzong kicim cihi.

Philippines gampen “Pacific Ring of Fire” akici tungah omkha citciat ahih manin, zinling pen kinawh mahmah hi. ZD Sawltak #zomidaily