South Korea aom US Ambassador pa tempan tawh at thuak
South Korea gamsung aom US Ambassador pa Thursday zingsang in Seoul khuapi sungah tempan tawh amai leh akhut ki kuihsak, ki at sak cih Fox News pan kiza hi.
US Ambassador pa minpen Mark W. Lippert hi a, tempan tawh at athuakkhit ciangin anai aom Hospital khatah ki puakpah hi. Amai akhut apumpi tungah si tawh kidim himah taleh amahleh amah lam paizolai veve hi.
Mark W. Lippert pen zingsang Breakfast nekkhit ciangin Central Seoul ah Lecture khat akahding hi a, apai madeuh zingsang 8am pawlin bawlsiat athuakvat ahihi.
Mark W. Lippert pen Seoul Hospital ah Surgery aki bawlkhit ciangin bangmah nawngkaina omlo hi ci’n U.S. Embassy in genkhia hi.
Tempan tawh asuampa pen kum 55 aphakhin Kim Ki-jong kicipa hi cihzong Korea Police te’n genkhia uhhi. Hihbang in temtawh a at laitak in “South Korea leh North Korea ki gawmkhawm huaihi” ci’n awngkawm kici hi.
South Korea gamsung ah US galkap te’n South Korea tetawh Military Exercise abawlkhop uh pen adeihlo hiding cih ki ummawh hi. Tua Military Exercise hangin South Korea leh North Korea gamnih ki lemna pialo bekthamlo, ki langdona piangsak zawding ahih manin US Ambassador pa amudah hiding cih kiza hi. ZD Sawltak
Comment piaknop aomleh...