Malaysia, Johor State sung aom suizuakna leh suibawlna “Goldsmith Shop” khatah damiah lutin, Security Guard khat thautawh kikap cih NST pan kiza hi. Zanni nitaklam in Johor, Tampoi aom Shopping Mall sungah thupiang ahihi.
Johor Criminal Investigation Department chief Datuk Kamarul Zaman Mamat in agenkhiatna ah nitaklam 7:50pm hunpawl in Goldsmith Shop sungah buaina apiang cihi.
Shopping Mall ii Ground Floor aom Goldsmith Shop ah damiah te mi 4 Pistol thau leh sekpi tawi in lut uh a, damiah taih uhhi.
Damiah te suisai panin ataikhiatma in Security Guard pa ii akhe thautawh kapsak in, athau Shotgun zong laksak uhhi.
Video: Security guard shot in goldsmith heist
Security Guard papen akhebek kapkha bilbel in, bangmah sihlawhliang nadingin thuaklahlo cihi. Sultanah Aminah Hospital ah kipuak in zatui kibawl cih kiza hi.
Thunei te’n agenkhiatna ah hih damiah taihhunsung pen Minute 2 sungkhawngbek sawt ci uhhi.
Related: Malaysia Marigold bawngnawi te ki dop huai [Recall Product]
Johor Police te’n hihvai tawh kisai in “Op Tutup” leh “Op Kesan” ci’n Operation bawlpah uh a, damiah te matkhiattheih nadingin hanciam mahmah uhhi. Sawltak #zomidaily
Comment piaknop aomleh...