Amangcip Malaysia Flight MH370 zonna in RM79 Million kibeikhin cih Malaysia kumpi thuneite’n genkhia uhhi. Tuazah abei in azon nangawn uh tudong MH370 pen ki mukhiazo mahmahlo a, athuzong thengzo mahmah nailo hi.
Transport Minister Datuk Seri Liow Tiong Lai in agenkhiatna ah hih sumbeipen nungkum December khaciang abeibek cipanlai hi. 8 March 2014 ni in Malaysia Kuala Lumpur khuapi pan Beijing Capital International Airport zuanin alengkhia diaidiai Malaysia Flight pen koilam lengsuak hiam ki theizo mahmahlo hi.
Amancipzawh kum 1 bang acingkhin hong hita a, vanleng tungah atuang Passenger 227 te ii ulehnau, nulehpa, meltheih tanau te’nzong khakham veilawh dikdek uhhi.
MH370 zonna in RM79 Million beikhin cih hi a, tampi beibeh khalaiding cihi. Banghanghiam cihleh MH370 pen azon akikhawl hinailo a, akimuh mateng aki zongzong laiding ahih manin, tampi beibeh totolaiding hi.
Royal Malaysian Air Force, Royal Malaysian Navy, Royal Malaysian Police, Fire and Rescue Department, Malaysian Maritime Enforcement Agency cihbangin Malaysia gampan Department tuamtuam in azong ngeingai uh hi a, adang gamtuamtuam inzong sumlehpai tampi bei in aki zonpihkhin ahihi.
Adiakdiak in Australia, China, United States gamte in lim zonpih phadiak uh a, vanleng mangcip kizong lakah sum tam abeipenpen leh aki nakzonhuan ngeingai penpen khatin ki ciamtehna hi. Ahi zongin ki muzo tuanlo mawk hi. ZD Sawltak #zomidaily
Comment piaknop aomleh...