Iran te sathaupua tembaw khat puakkham, asuakta kuamah omlo

Iran te sathaupua tembaw khat puakkham, asuakta kuamah omlo

Iran gam te ii sathaupua tembaw khat zanni Sunday ni in tuipi tungah puakkham in meikuang ziahziah cih Reuters pan kiza hi.

Nungdiak mahmah inzong China’s East Coast, Shanghai khuapi gei ah Iran gam te ii sathaupua tembaw khatleh adang Cargo tembaw khat kitaih in mei kuanggawp a, tuazawh ni 8 khitciang in hih tuahsiatna aki behlap leuleu ahihi.

China’s Transport Ministry te genna ah zanni Sunday sunkim hunpawl in hih sathaupua Iranian Oil Tanker pen apuakkham hi a, tembaw alu pan atawdong avekin meikuang ziahziah in, lauhuai mahmah cihi. Meikuang pen huaisia mahmah in, vandawn ah asanna 800 Meter panin 1000 Meter bang sangto in meikuang zaizai hi.

Video: No survivors as Iranian tanker sinks engulfed in flames

Meikhu zong sahlua mahmah ahih manin, tembaw akatlaitak Photo akiziah pawlkhat te ah hoihtak in kimutheilo hi.

Teheran Official te genna ah hih sathaupua Oil Tanker tungah nasemmi Crew akigawm in 30 bang atuang uh hi a, tuate khatzong anungta dingin lamet omvetlo ci uhhi.

More: Korea tembaw kibutna hangin Captain pa kum 36 thong kiading

State Oceanic Administration te genna ah hih tembaw meikang pen aki phelhsawm hangin, apuakkham ki tawlngalo ahih manin meiphelhding bangmah kisemtheilo cihi. Tuaban ah asung aom tembaw nasem Crew tezong meikuang leh apuakkham akipatphet in sikhinding in ki ummawh cihi.