Tedim Khuamite Tuinek

Tedim Khuamite Tuinek

Tedimte tuinek pen Sialtang tuibek hilo in Sezang/Sumzang ,Balzang Leh Gawmual tui zong ne khawm uh hi. Sialtang tui pen Tedim ,Dimlo leh Sezang in zong nekpih hi.

Sialtang Tui
Sialtang tuinak pen Tedim pan tai 14 bang kigamla hi.1983-1984 kum in tuilak kipan in tuinak nak 4 kigawm khawm aa, 1986 ciang kizo siang hi. Tuinak asan na tuipi pan pi 7000′ in kiciamteh hi.

Sialtang Tui Pipe

• -Tuinak pan tai 5 dong sik pipe 6″ tawh pi(26500′) ki zom
• -HDPE pipe 6″ tawh pi(1000′) ki zom
• -PVC pipe 6″ tawh pi(6000′) ki zom
• -HDPE pipe 5″ tawh pi(5280′) ki zom
• -HDPE pipe 4″ tawh pi(18480′) ki zom
• -HDPE pipe 3″ tawh pi (13690′) ki zom
• -GI pipe 3″ tawh pi(8120′) a kizop khit ciang Tedim khuapisung Sialtang tui hong tung zo pan hi.

Tuibem awh Kisai

Leilum Veng

• Gallon 4500 ta tuibem 1 leh gallon 1300 ta tuibem 1

Lawibual Veng

• Gallon 22500 ta tuibem 1 leh gallon 6000 ta gallon 1

Myoma/Khuapi Veng

• Gallon 18000 ta tuibem 1 leh gallon 25000 ta tuibem 1

Sakollam Veng

• Gallon 12500 ta tuibem 1,gallon 20000 ta tuibem 1 leh gallon 25000 ta tuibem

Tedim khuasung ah Sialtang tuibem vekpigawm (9) om hi.

Tuingah Zia—

Khal ciang ni 1 in mihing 1 ciang gallon 5.5,persentage in lakleng 37% bek ngah in,Tuuk leuleu ciang ni 1 in mihing 1 ciang gallon 6.6,persentage in 44% bek mah ngah zo hi.Khal ciang ni 1 in Sialtangtui tuibemsung lut gallon 126000 hi aa,Tuuk ciang gallon 150000 lut zo sam hi. (Tedim mimal (population) 20000 tawh ki tuat ahi hi.)

#Pawnpi Tui—-

#Pawnpi tuinak pen Tedim khuapi pan tai 17.5 bang gamla hi. Tuinak pan tai 6 dong Township Sipin ten vaipuak la in sem uh aa, HDPE pipe 4″ tawh tui zom uh hi.A cianlai tai 11 pen ” Ka Zai Tha Company” ten tavuan la in semmah ta leh haksatna/ buaina leh thutuamtuam hang in zo zolo uh aa,Sinpin Committee ten March 2017ni pan vaipuak la leuleu in zo uh hi.

Related: Tedim Khuanu, Khuapate theihsakna: Tuivai

5May 2017 sung in Sakollam veng tuibem tui hong lut zo ta hi. A dang tuibemte ah tuilut zo naituanlo hong suak hi. Pawnpi tuilakna pen 2014-2015 Fiscal Year aa kisem ahi hi. (Tedim khuapi khantohzia tawh kizui in mimal (population) zong hong tam semsem aa,tuinek ding zong hong hamsa zawdeuh pah hi. Township Sipin staff, Committee te, Dapartment tuamtuam pan thuneite leh tuisia ten tuikikhom na ding hanciam in tha asanlaitak uh ahi hi.)

Tedim Municipal