Minute khat sungin alungsim khel

Minute khat sungin alungsim khel

Company khat ah nasem khat in zukham kham a, nial hat mahmah in genhak mahmah a, a lungtom mahmah hi. Maitai ni nei ngeilo in mi tawh kikholh zong ut mel lo in kuamah in maingap vetlo a, a thugen sunsun pen nasep pih ten hong gensia sia zaw lai, cih ahihi.

Company ah a sep zawh kum 20 a cin ciangin a boss pa khawl a, midang khat in boss sem hi. A lawmpa kiangah na nasem te na deihloh peuhpeuh tawp sak pahpah lel in, ahihangin ka nasem te lakah kum 20 val a sem khat pa a zia le tong a tuampi khat om hi. Amah pen nui ngeilo, maitai ngeilo, maigum den, kamtam hetlo in pau sunsun leh kampau tuak theilo zaw lai hi, ahihangin nasepna tung masa pen in ciah nunung den a, a nasepna ah paubanna khat zong nei nailo hi, ci hi.

Boss thakpa in a zingciang in kum 20 val nasempa sam a, ka thu nong nial a, ka deih bangin na nasep kei leh kong tawp sak pah dinghi. Kum 20 sung na om dan hoihlo khempeuh thei ing, ahihangin nasepna tung masa den na hihna leh a ciah nunung na hihdenna na boss pa in kum 20 sung nasem.hoihna hihna hong gen hi. Tua ahihmanin na tungah kinga in, cih teng gen hi.

A nasepna pan a ciah ciangin kum 20 val na kasepna pa sangin nikhat sung bek ka nasepna boss thakpa in ka nasepna a hoihlam in hong gen a, kum 20 sung tuni in ka lungdam pen hi ci in a zi kiangah gen hi. Tua ni a kipan in a nasepna ah maitai in kuan a, kampau hoih te pau in thunuam mahmah a, thanuam mahmah in a naseppih te in boss thakpa hangin hi bangin lungnopna bangci ngah na hiham a cih leh minute khat sung bek hi ci in dawng ziau hi.

Tua khit ciangin amah zong mun dangah paikhia hi. Kum 12 khit ciangin a boss pa tawh kimu kik a, kum 20 sung ka boss pa na hoih takin ka sem a, ka boss pa in kam hoih khat tawh hong ho ngei vetlo hi. Minute khat sung bek bek in ka lungsim nong dam sak a, ka boss pa ka thah sawmna ka lungsim ka khel kik ci in a lungdamna thugen hi.

Mi hoihna a gen nuam vetlo mite in mihoihte lungsim nasak mahmah hi. Lungsim natna in zu nekna, maitai zawhlohna, hehna ding zonna leh mi tawh kikholhnop lohna piang sak hi.

Mihoihna a gen nuamlo te om hit hiat tuanlo uh a, mihoihlohna teng gen in kamtam mahmah uhhi. Kam hoih pau leh kamsiam ding a kihta mahmah te in kamsia leh kam guh pau ding kihta vetlo uhhi.

More: A gawlpan akikhai geigai naupang Minute 10 khitteh ki honkhiathei

Na lungsim takpi tawh mihoihna na gen leh a lungsimna mi te a dingin damna zatui ahihi. A nui nuamlo te nuihna, a maitai ngeilo te maitai na, mipi lak a ut lo te utna dingin minute khat sung thuhoih kigen pihna ahihi. NK Nang