Singkung agah theilo te agahding a bawldan

Singkung agah theilo te agahding a bawldan

Singkung a gahtheilo, a gah nuamngiatlo omthei hi. Gtn: zawngtah, hai, thawhbat, apple leh a dangtuamtuam.…

Sepzia 1

A kungdam sitset, natna neilo, a khanding zah aa khang napi gah a neitheilo om hi. Tuate pen Nitrogen (ek lei kang) dat a tamluatman a hihi. Singkung a khan nadingin nitrogen dat kisam aa a hizongin nitrogen dat in gah sak lo hi.

Singkung a gah nadingin Potassium (ek lei san) dat kisam hi. Tua ahihmanin singkung hoihmahmah napi a gah theilo te ekleisan a tamzaw pia ding hi. Ekleikang pialo ding hi. Tuahileh gahtampi nong nei ding hi.

Sepzia 2

Singkungte a gahtheih (a kungbek a khangawp loh) nadingin a annekna ki kiapsak thei hi.

Singkung a hawng metkhiatsak ding hi. 1″ a lian in singhawng khokkhia ding hi. Singkung kimkot seh 4 ah seh 3 khokkhia ding hi.

A hawng tungthambek khok lo in a hawngleh singtak kikal ah a pan dildel a kangpen paihkhiatsak ding kisam hi.

Tuabangin nasep leh a singkung a cidamtakpi a hihleh gah tampi hong neipah zihziah ding hi.

A kisemkhinsa leh mitmuhsa a hihmanin um khial kei in. Laigelh: ThangBawk/ Siamsim Library

More: Ankambulnek cinzia tomkim (Carrot)

I zakzak thukhat ‘nang na hoih leh kei sia masa keng’ cihkhat hi. A taktak in ‘nang na hoih masak leh midangte nang tungah hong sialo ding hi. Mi hoih taktak te’n misia mulo hi. Rev. Hau Lian Kham in mihai a kici te nangawn zangthei hi.

Mother Theresa in ‘Midangte mel ka muhciangin Zeisu mel ka mu hi’ ci aa hoihsa siat hi. Topa Zeisu in ‘mi hoih le misia deidanlo aa mi hoihlo a kiciteng peuh pawlbawl zaw hi. Tuni nang hoih masa in. Kei hoih masa ding hing. Tua hileh mite ei tungah hong hoih ding hi. Siamsin Library